Ka Dorbar Shnong Umshaken hynne ka sngi kala thaw syndon daka Village Defence Party (VDP) ban ïaleh pyrshah ia ki kam sniew hapoh ka shnong.Iaki dkhot ka VDP la pynskhem da Officer-in-Charge (OC) ka Nongpoh Police Station u M Marak ha ka jingïalang ba la pynlong ha ïingdorbar jong ka shnong haka jingdonlang u Rangbah Shnong u Bah Evanesar Shylla, ki dkhot ka Executive Committee bad ki riew rangbah.
Ka Dorbar Shnong kala jied ïa ki 15 ngut ki dkhot ka VDP. Haba iadei bad kane u Bah Evanesar Shylla u la pynpaw ba ka jingthaw iaka VDP kadei namar ka jingsdang jyllei ki kam sniew ba bunjait hapoh ka shnong.
U la ong ba naka liang ka Shnong ka la sngewdonkam ban don daka VDP ka ban long ka kynhun ban peitngor ïa ki jingsniew hapoh ka shnong.U la kyntu ïa ki dkhot jong ka VDP ba kin trei hok ïa ka kam ba la bynshet ha ki bad u la kyrpad ruh ïa ki nongshong shnong ba kin ai ka jingïatreilang bad ka VDP ban lah ban tehlakam iaki kam sniew.
You may also like
-
T.344.4 klur mang ka sorkar ban iada ki tyllong um ka Wah Umiew bad Ganol“Ka project ban myntoi ki nongshong shnong”
-
Leit jngoh u Myntri ia ka shnong Maikhuli Bthah ia u DC ban iakren bad ka Assam ban wanrah shongsuk hapdeng ki ar District
-
Bthah u DC ia ki pulit ban khynra kam die met ha Khyndailad bad kiwei ki jaka
-
Plie u Conrad ia ka kamra ba 50 thymmai ba jingthiah ha DMCH Tura.
-
Husiar paidbah wat ngeit ia ki ‘Social Media’ peit ia ki kam, ong u Bah Prestone