Naduh ka por 9 baje eiei mynstep, ki paidbah ki la sdang ban tuid sha ka Shillong Literary Festival kaba dang ïaid mynta ha Nan Polok. Kane ka Festival kaba lai sngi ka la sdang naduh mynnin ka sngi ka 18 tarik u Naiwieng bad kan kut haduh lashai ka 20 tarik u Naiwieng,2024.
Katkum ka jingkheiñ ba la ïoh lum ha ka sngi sdang kata ha ka 18 tarik ki don kumba 3500 ngut ki paidbah kiba la wan sha kane ka tamasa jong ka thoh ka tar bad lyngba ka jingwan poi ki briew naduh ka por mynstep la khmih lynti ba mynta ka sngi kaba ar ruh ki paidbah kin nang kham bun shuh shuh ban ïa kaba mynnin. Ki paidbah kiba wan sha kane ka tamasa ym tang ba ki ïoh ban ïa shim bynta ha ka jingïaphylliew jingmut bad ka jingïasyllok bad ki nongthohkot hynrei ki ïoh ruh ban peit ïa ki jingpynriam pynbeit kiba la pynwandur itynnad bha tawiar jong ka Nan Polok.
Ha kane ka sngi kaba ar naduh ka por shiphew shiteng haduh ka por san shiteng kan don ka jingïaphylliew jingmut bad ki nognthohkot bad naduh ka por san shiteng shajrong pat kan don ka jingpynjah thait da ki jingput jingtem na ki kynhun bapher bapher.
You may also like
-
Ryngkat ki lama iong iaid Rally ka KSU, shah thang bad pynjulor ki kali sorkar, khang bun ki dukan
-
Buh mawnongrim u Bah Renik ia 2 tylli ki projek ha Jakrem
-
Lai tylli ki shnat treikam pynkha ka KSU
-
Plie u MR ia ka Solar Photovoltaic Plant ba 50 KW ha St.Mary’s
-
Khynra bad khang dukan kiad ka Seng Longkmie, HITO bad JNC