U Myntri Sorkar Meghalaya uba dei ruh u nongialam ka BJP u Bah Sanbor Shullai ula pynpaw ia ka jingsngew skhem ba ka BJP kan wan phai bad bat ia ka bor synshar hapoh ka Jylla Assam, da kaba pynpaw ba u Himanta Biswa Sarma un bteng biang kum u Myntri Rangbah.
“Ka BJP kan wanphai bad bat biang ia ka bor synshar ha Assam bad u Himanta Biswa Sarma un wanphai bad bteng biang kum u Myntri Rangbah ka Jylla Assam. Kata kam don jingartatien” la ong u Bah Sanbor haba kren halor ka ilekshon sha ka iingdorbar thawain ka Jylla Assam.Haba kyntait ba kan don ka jing pyrshah Sorkar haka ilekshon ban wan, u Bah Sanbor ula ong “Kam don ka jingpyrshah Sorkar hapoh ka Jylla Assam.”
Haba pynpaw ba ki paidbah ki poi bun bha ha ki jingialang ilekshon, u nongialam ka Meghalaya BJP ula ong “Da kaba pynshong nongrim ia ki jingtip bad jingïalap ilekshon bad ka jingkyrshan jong ki paidbah ha man la ki program ialap ilekshon, u Himanta Biswa Sarma bad ki nongïalam ka BJP na Delhi shano shano ruh ba ki ïalap ilekshon, phin ïohi ba da ki lak bad ki lak ki briew ki wan. Kane ka pyni ba ki briew ki wan namar ba ki la rai ban kyrshan iaka BJP”.
You may also like
-
Shah kem 2 ngut bad ïoh kurup 32.64 gram u Heroin
-
Ka Ropeway Ha Ki Ranab U Lum Shyllong: Ka Dei Tang Ka Rongphong-TUR
-
Ka jingphet seng bad jingshah thied kinongïalam ki dawbah jingtlot ka Congress
-
Ka pateng mynta ka dei ban pynneh ia ka jingstad ba la ai ki kpa tymmen: Kong Deity Majaw
-
Palat sanspah ki dieng la pom, ka Project Shillong Ropeway kan iaid shakhmat