U Lamphang ka ïing dorbar thawaiñ ka Jylla u Thomas A. Sangma hynne ka sngi ula leit jurip ia ka jingtei ïing dorbar thawaiñ bathymmai ha Mawdiangdiang, New Shillong Township.
Ha kane ka jingleit jurip la ia donlang u Secretary u Malthus S. Sangma, u Dr. Andrew Simons, Advisor (Legislation), Bah Raja Kharpuri uba long u Deputy Secretary ki ophisar bad engineer na ka tnad Public Works Department (PWD), ki Project Chief Architect bad Kontraktor ban iakren halor kiwei pat ki bynta bad ban shimkhia lada mih kino kino ki jingeh ha katei ka jaka.
U Lamphang ula leit khmih da lade ia ka jingtrei ki kam khamtam haba la jan dep artad ia ka jingtei baroh bad ula pynpaw ia ka jingsngewhun halor ka rukom iaid ka kam bad pynpaw ba ka jingtei ka la iaid ryntih katkum ka jingbuh ia ka por.
U Thomas A. Sangma ula ieng skhem ha ka jingkut jingmut ban pynthikna ba ia kane ka projek un pyndep ha ka por bad ka ban jur ia ka jingkongsan ban don ia ka jingiatreilang hapdeng jong ki tnad ki bapher bapher.
Ka kynhun jong u Lamphang ka la phaikhmat halor kiba bun ki bynta ha katei ka jaka kynthup ia ki jingtei ha ka Main Hall bad ka jingpyniasoh bad kiwei ki bynta bad jingdonkam kiba kongsan.
You may also like
-
Ym pat ioh jingtip ka NPP Nongpoh ia ka jingthmu pyniasoh u bah Mayral Born
-
Ryngkat ki nongialam ka CBCI iakynduh u MR ia u Myntri sorkar pdeng ia ka jingthmu pyntreikam ia ka FCRA Amendment Bill ban khang bei pisa na shabar ri ia ki kynhun Khristan
-
Shong kyllain myngngor ka GTF ban pyrshah ai I’u Lumpongdeng sha ka IHCL
-
Ioh khusnam ‘Khama Peace Award’ u bah Lou Majaw
-
Sngewdiaw u Myntri ba ïa beh ki khynnah ban pule ha sor, watla don College hajan