Ka kynhun ki nongthoh khubor na jylla Nagaland ba kynthup 11 ngut ki iakynduh ia ki nongialam ka Shillong Press Club hynne ka sngi, ha Lower Lachumiere, Shillong. Ha kane ka jingiakynduh u President ka Shillong Press Club u bah Deimaialang Siangshai ula pynpaw ka jingkmen bad pdiang burom ia ka kynhun ki nongthoh khubor na Nagaland kum shibynta ka exposure tour jong ka kynhun ha Meghalaya.
Kaba sngewtynnad ha kane ka jingiakynduh la ioh ruh ban phyliew jingmut kumno ban pynkhlain ia ki lad pathai khubor katkum ka juk mynta bad ia ki rukom treikam jong ki klob bad ki lad jingmyntoi ia ki nongthoh khubor ba ka sorkar ka iarap na ka por sha por. Ia kane ka kynhun la ialam da u Dy Director ka tnad Information and Public Relation ka sorkar Nagaland, u S Hongpi Konyak uba la pynpaw ia ka jingkmen ban ioh iakynduh bad ki nongialam ka SPC ban iasam jingtip markylliang bad halor ki rukom pyniaid bad treikam ka klob.
Ha kane ka jingwan ka kynhun kan sah lai sngi ha Meghalaya bad lashai kan leit jngoh ia ka thain Sohra, la shisngi sha Dawki ban sakhi da la ki khmat ia ka Sohra kum ka shnong ba jur slap tam ha pyrthei bad ka jingitynnad ka mariang na ka jingdon ki wah, ki kshaid, ki lum, ki krem bad kiwei kiwei.
You may also like
-
T.344.4 klur mang ka sorkar ban iada ki tyllong um ka Wah Umiew bad Ganol“Ka project ban myntoi ki nongshong shnong”
-
Leit jngoh u Myntri ia ka shnong Maikhuli Bthah ia u DC ban iakren bad ka Assam ban wanrah shongsuk hapdeng ki ar District
-
Bthah u DC ia ki pulit ban khynra kam die met ha Khyndailad bad kiwei ki jaka
-
Plie u Conrad ia ka kamra ba 50 thymmai ba jingthiah ha DMCH Tura.
-
Husiar paidbah wat ngeit ia ki ‘Social Media’ peit ia ki kam, ong u Bah Prestone