YN SAWA JUR KA ROYAL ENFIELD HUNTERHOOD SA HA SHILLONG MYNTA U BNAI RYMPHANG

Ka rynsan ba paw bha jong ka Royal Endfield ka HunterHood kaba pyni ia ka rukom im ha ki surok bad lynti syngkien kan wan sha Shillong ha ka 7 tarik Rymphang, 2026, kaba wanrah ia ki sur jingtem, ka kolshor bad ka jingpyni ia ki sap sha ka sor kaba ju im hapdeng ki sur jong ka jingsawa. Hadien ba ki phew hajar ngut ki nongniah thuk thuk, ki riew ieid ia ka jingim bad ka kolshor ha ki lynti syngkien bad ki riewdon sap ban dro ia ki dur ki dar ha surok ki la lah ban pynlong ïa ka Hunterhood ha Chennai, Delhi bad Mumbai, mynta kin wan sah sha kawei ka nongbah ha India – ka nongbah Shillong. Man ki nongniah thuk thuk, ki nongniah skateboard ne ki skater, ki ba draw dur, ki nong tem, bad ki nongïaid lynti kin long kum shi bynta jong kane ka lympung – lyngba kane, kin lah ban buh ïa ki dak jong ki ha kawei na ki tamasa kaba long beit kumba long, kaba shongshit, bad kaba rakhe ïa ki kolshor ba bun jait kaba la ioh mynsiem da kiei kiei kiba don ha lynti syngkien ne ki surok.
La saindur ia kane ka tamasa na ka Hunter 350, ka thuk thuk ba la thaw dur na ka bynta ka jingsted, ban pynpaw ia ka jingsngew, bad kaba iahap bad sor, ka HunterHood Shillong ka kular ban long ka rynsan na ka bynta kiba trei shitom. Yn don ruh ka jingpyni ïa ki BMX bad ïa ka skateboarding ha ka ba ngin lah ban ïohi ïa ki nongniah ki ban sei lut ia ka bor ka sor ka jong ki na ka bynta kane, katba ka jingïalehkai futbol ha ki lynti ne ka street football, ki slam dunk zone, bad ki jingeh kan rakhe ia kiei kiei ha ka rukom kumba ka long.
Ki custom motorcycles ne ki kali ar shaka kiba la shna pynwandur katkum ka jingkwah jong ki nongniah ba la shna da ki JD Customs, la ioh ka jingiathuh namar ka rukom shna ia ki thuk thuk ha kaba la weng noh ia bun ki jingpyndait ki bym donkam bad pynlong thylli ia ka thuk thuk, ka jingpynbha ia ka rukom treikam kan ïa don bynta lang ryngkat bad ki jingpyni skate ba la pynbeit da ka Shillong Skate Mag, ka kynhun ba ju ring dur ïa ka kolshor skate ha ka nongbah. Ka jingshim bad ring ia ki dur ki dark an kynthup ia ki graffiti da ka Mixed Media Art Crew, bad da u nongjop jong ka Art of Motorcycling 2024, u Amit Kumar, ha kaba ka jingpyni ia kine ki jingdro kan pynpaw ia ka riti dustur bad kaei kaei kaba mynta; kan don ruh ka jingpyni ïa ki rukom shad tynrai ne ki indigenous dance forms ba la ïalam da ka Shlem Institute of Music ka ban pynïaid ryngkat bad ki hip-hop cyphers ba la ïalam da ka nongshad ba na ka thaiñ, ka Iamon Kharjana.