Katba ki nongtrei ki dang tih khyndew ban shna iing ha shnong Qualapatty, Shillong hynnin ka miet ki lap ia u kynja nar phylla bad la suba u dei u bom kumta ki pyntip mardor sha ki bor pulit ka Lumdiengjri Police Station.
La iathuh ki nongtrei ba tih khyndew ki la kyndit ban lap ia utei u nar napoh khyndew bad ki suba utei u nar u dei u Shellbom barim kum u raket, namar ka jingtieng ki la pyntip mar mar sha ki bor pulit.
Kumjuh ki pulit ka Lumdiengjri ki la leit mar mar sha katei ka jaka ban tohkit, hynrei ki suba utei u nar u lah ban dei u Shellbom ne roket bad ki la pyntip ha ka kynhun Bomb Squad kaba la poi mardor sha kane ka jaka ban shimti ia utei u tiar bad pynlong ia ka jingtohkit la u dei shisha u ‘Shellbom’ ba pyndonkam ha ki por thma hyndai.
You may also like
-
Shah kem 2 ngut bad ïoh kurup 32.64 gram u Heroin
-
Ka Ropeway Ha Ki Ranab U Lum Shyllong: Ka Dei Tang Ka Rongphong-TUR
-
Ka jingphet seng bad jingshah thied kinongïalam ki dawbah jingtlot ka Congress
-
Ka pateng mynta ka dei ban pynneh ia ka jingstad ba la ai ki kpa tymmen: Kong Deity Majaw
-
Palat sanspah ki dieng la pom, ka Project Shillong Ropeway kan iaid shakhmat