U MLA barim ka West Shillong constituency u Bah Mohendro Rapsang hynne ka sngi ula pynpaw ba um pat don kano kano ka jingthmu ban pyniasoh bad kano kano ka Party.
Lah ban kdew ha u Bah Mohendro Rapsang uba shah rem noh ha ka ilekshon MLA 2023, ula mih noh noh na ka seng sain pyrthei National People’s Party (NPP).
Haba kren shaki lad pathai khubor u Bah Mohendro ula pynpaw ba mynta ka kynti, un ïa syllok shwa bad ki paidbah nongkyrshan, ha shuwa ban shim ïa kano kano ka rai halor ka sain hima sima, kynthup halor ka ilekshon MLA 2028.
“Hadien ba nga la mih na ka NPP, ngam pat don kano kano ka jingthmu ban iasoh bad kano kano ka Party. Nga dang donkam ban ïakren shwa bad ki paidbah nongkyrshan” la ong u Bah Mohendro bad bynrap ba u dang ap ia ka por ba biang ban shim ia ka rai na ka bynta ki paidbah nongkyrshan.
Haba kylli halor ki khubor iasoh bad ka BJP, u MLA barim u la ong “Ki don ki nongkyrshan kiba la pynpaw ia ka jingkwah jong ki ba nga dei ban iasoh bad ka BJP hynrei haduh mynta ngam pat lah ban shim ïa kano kano ka rai”.
You may also like
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem
-
Hapdeng ka jingiphuh kut ka shad Behdeiñkhlam ka Seiñraij Ialong
-
Hadien 2 bnai, ïaid biang ki kali harum Laitlyngkot, buh pulit ban shngaiñ ki paidbah