U Myntri Rangbah barim ka jylla u Dr DD Lapang hynne ka sngi ula resaiñ noh kum Chief Adviser ne Nongaibuit ka sorkar jylla. Ha ka shithi ba la phah sha u Myntri Rangbah ka jylla u Conrad K Sangma, u Bah Lapang ula pynpaw hadien ba ula pyrkhat bha ryngkat ka jingsngewnguh ula pynbna ba un shongthait noh kum u Nongaibuit ka Sorkar Meghalaya.
“Ka jingiaid lynti jong nga ban shakri ia ki paidbah ka jylla Meghalaya ka la iaid ryngkat bad ki jingkylla. Nga la sakhi ia ka jingkiew ka jylla bad nga dap da ka jingsngew sarong ban iadon bynta lang ha ka jingkiew shaphrang. Ki jingtynjuh ba iakynduh ki dei ki kabu ba wan na sha lyndet bad man ki mawmer ki long ki lynnong bathymmai ka jinghikai” la ong u bah Lapang.
“Nga pynpaw ka jingsngewnguh ba khraw ia ka jingshaniah bad ka kabu kaba nga la ioh. Nga iehnoh shadien ym tang kum uta ba iatreilang hynrei kum ka longiing longsem kaba la ieng ryngkat bad nga ha man ki khep bad ki jingtynjuh kiba nga iakynduh. Sngewbha pdiang ia kane ka shithi iehnoh kam ka jong nga” la pynkut u Bah Lapang.
You may also like
-
Ryngkat ki lama iong iaid Rally ka KSU, shah thang bad pynjulor ki kali sorkar, khang bun ki dukan
-
Buh mawnongrim u Bah Renik ia 2 tylli ki projek ha Jakrem
-
Lai tylli ki shnat treikam pynkha ka KSU
-
Plie u MR ia ka Solar Photovoltaic Plant ba 50 KW ha St.Mary’s
-
Khynra bad khang dukan kiad ka Seng Longkmie, HITO bad JNC