Ka Kynhun Myntri hynne ka sngi ka la rai ban pynkylla ia ki kyndon ka Meghalaya Building Byelaws, 2021 ban pynduna ki jingdonkam bun ki jaka ban sdang ia ki projek ba kyrpang ne ‘special projects’ ha sor.
Haba iakren bad ki nongthoh khubor hadien ba la wai ka jingialang kynhun myntri, u Myntri Sorkar Bah Wailadmiki Shylla ula ong, ka sorkar ka la ai jingmynjur ia katei ka jingpynkylla ia ka kyndon ka Meghalaya Building Byelaws, 2021 ha kaba ia dei bad ka kyrdan Special Projects, kaba kynthup ia ki kam pynroi kum ka jingshna ia ki hotel, hospital, shopping mall, multiplexes, jaka pule, ICT, ki BPO Center bad ki jaka paitbah.
U Bah Wailadmiki ula iathuh ba haduh mynta, ban leh ia ka projek donkam haduh 50,000 sq ft ka jaka bad 20,000 sq ft ia ka jaka ban lah ban iohrung ne Qualify. Hynrei la sakhi ba bun na ki briew, kim don bun bah ka jaka kaba heh haduh 50,000 square feet. Kumta da kane ka jingpynkylla, la pynduna ia ka jaka na ka 50,000 square feet sha ka 37,500 square feet bad ia ka Single Cover Area sha ka 15,000 square feet.
Ula ong, ba kane ka jingpynbeit thymmai kan iarap ia ki nongshong shnong ha sor ban ioh ia ki lad jingmyntoi kiba la don lypa ha katei ka kyrdan ban tei ia ki Special Project.
You may also like
-
Pyndam ka HYC ia ki jingthoh ‘Cherrapunji’ ha ki Signboard ha surok Umshyrpi
-
Noh shiliang ka jingsiew Pension ia ki Nonghikai bad Nongtrei skul Deficit
-
Rakhe ka Nongsder SSA LP ia ka jingdap 50 snem, kyntu u Myntri ia ki khynnah ban pynroi ia ki sap
-
Iathuh ka sorkar ia ka Khasaw kum ka dohkha na Jylla
-
Thung ka Sorkar ïa u Abhilash Baranwal kum u DC ka EKH, ka Kong RM Kurbah kum ka Commissioner & Secretary Home (Police) bad Tourism