Ka kynhun myntri ka jylla Meghalaya hynne ka sngi ka la rai ba ka Chocolate Mahseer ne ba la tip tynrai kum ka “Khasaw”, kan dei noh ka ‘State Fish’ ne ka Dohkha na jylla lajong.
U Myntri ka Sorkar Jylla u Bah Wailadmiki Shylla ula ong, ba ka Kynhun Myntri kala ai jingmynjur ia ka jingtyrwa ba ka Khasaw ne Chocolate Mahseer, Neolissochilus Hexagonolepis, kum ka State Fish jong ka jylla bad ka Meghalaya kadei kawei napdeng ki katto katne ki jylla ka bym shim la don satia ia ka ‘State Fish’.
Ka jylla Meghalaya kam don satia ia ka State Fish, hynrei lada kiwei pat ki jylla jong ka ri, jan kumba 22 tylli ki jylla ki lah dep ban pynbna ia ki katto katne ki dohkha kum ki State Fish ki jongki kumta ka sorkar kala rai ban ithuh noh ia ka Khasaw kum ka State Fish uba don ha kylleng ki wah jong ka jylla.
Ula ong, ba ka jingithuh ia ka Khasaw kum ka State Fish ka long ka sienjam ha kaba iadei bad ka jingpynneh pynsah bad ban kyntiew ia kane ka dohkha kaba don tynrai ha kylleng ki wah kiba don ha kane ka jylla.
You may also like
-
Pyndam ka HYC ia ki jingthoh ‘Cherrapunji’ ha ki Signboard ha surok Umshyrpi
-
Noh shiliang ka jingsiew Pension ia ki Nonghikai bad Nongtrei skul Deficit
-
Rakhe ka Nongsder SSA LP ia ka jingdap 50 snem, kyntu u Myntri ia ki khynnah ban pynroi ia ki sap
-
Pynkylla ka sorkar ia ka ‘Building Byelaws’ ban pyntreikam ki Project ha sor
-
Thung ka Sorkar ïa u Abhilash Baranwal kum u DC ka EKH, ka Kong RM Kurbah kum ka Commissioner & Secretary Home (Police) bad Tourism