Ka sien nyngkong ha jylla, ïatai ka kynhun Myntri da ka ktien Khasi, Garo bad phareng

Ha ka sien nyngkong ka Histori jong ka Jylla Meghalaya ba ka kynhun Myntri Sorkar (Cabinet) ka la ïatai ia ki mat (Agenda) ha ki 3 tylli ki ktien, kata ha ka ktien Khasi, Garo bad phareng (English).

Ïa kane la pyntip da u Myntri Sorkar uba dei ruh u nongaiktien ka Sorkar MDA u Bah Wailadmiki Shylla, hadien ba la wai ka jingïalang ka kynhun Myntri bad pyni ia ki Copy jong ki mat ïatai (Agenda) ba la thoh da ka ktien Khasi, Garo bad English.

“Nga dap da ka jingkmen ban pyntip sha phi baroh ba mynta ka sngi, ka dei ka sngi ban kynmaw ha ka jylla (Kynhun Myntri Sorkar) ngi la ïatai ia ki mat (Agenda) ha ki 3 tylli ki ktien sorkar kata ha ka ktien Khasi, Garo bad English” la ong u Bah Wailad.

U Bah Wailad ula ong, kane ka sienjam ba la shim ka sorkar ka long ban pynthikna ba ka shimkhia ia ka jingdawa ban pynrung ia ka ktien Khasi ha ka khyrnit baphra ka riti synshar ka ri India.

“Kumta nga don ia ka Agenda Note jong ka ha ka ktien Khasi, Garo bad Phareng bad ka long ka jingjop ba khraw ia ka Jylla bad nga kyrmen kan ai jingmyntoi ha ka jinglong kyllum ki paidbah ka Jylla” ula bynrap.

Halor ka jingdawa ban pynlong Officiate Language ia ka ktien Pnar, u Myntri ula iathuh ka Jaintia Hills Autonomous District Council (JHADC) ka la mynjur ia ki Alphabet ka ktien Pnar bad haduh mynta u Lat ka Jylla um pat ai ka jingmynjur.