Kum shibynta ban iakhun pyrshah ia u drok ka Drug Reduction, Elimination and Action Mission (DREAM) ka iasoi ia ka Memorandum of Undertanding (MoU) bad ka Sankardev College ha u bnai Nohprah, 2025 bad ka la sdang ban jurip ne survey ban lum jingkhein ia ka jingdon nongdih bad ka jingktah drok ha kylleng ka Meghalaya ban lah wanrah ia ka policy katkum ki sakhi.
U Mission Director ka DREAM u Bah F Kharshiing ula pyntip lyngba kane ka survey yn lum jingkhein ka jingdon bad ka jingktah na ka jingdih droks ban iarap ia ka sorkar jylla ban thaw polisi treikam ban pynkhlain ia ka jingtehlakam, ki jaka ai jingsumar Rehabilitation bad kiwei.
Ka jingjurip ne ‘Survey’ kan sdang shwa ha Shillong bad yn sa leit ha kiwei pat ki bynta ka Jylla.
Ia ka survey la plie hynne ka sngi, da u Director ka DREAM Bah Francis Kharshiing ha Sankandev College ha ryngkat ka jingiadonlang ka Principal Dr Eureka FP Lyngdoh, Vice Principal K Chyne, ki nonghikai bad ki nongmihkhmat ka DREAM Mission nalor ki dkhot ka Meghalaya User’s Forum (MUF) bad ka Meghalaya Drugs Users Network (MeDUNET).
Haba kren ha ka jingialang u Bah F Kharshiing ula ong, kane ka sienjam ka pyni ia ka jingkut jingmut ka Sorkar ban iakhun pyrshah ia u drok da ka jingpeit bniah ki stad saian bad ka jingthaw polisi kan long katkum kaiphod jurip kin shim ban pynkhlain ki sienjam ban tehlakam ia u drok ha Jylla.
You may also like
-
Ka jingrakhe lyngkhuh 139 snem ka Balang Unitarian ka long ban pynthymmai ia ka jingngeit
-
Ka AMMRPWU kam don bynta shuh bad ka JAC: Bah Nazarius K Lanong
-
Shah kawang Petrol bom ka Lumdiengjri PS, julor ka kali DHS ba kem ding
-
Iakynduh ka kynhun ki Nongthoh khubor na UP ia u Lat ka Meghalaya
-
Noh synniang ka APSTA da ka ‘Charity Home’ ha rakhe sngi iap u Thomas Jones