Na ka ar sha lai snem pynjlan ka Supreme Court ban pyndep ïa ka TET

U President jong ka Meghalaya SSA School Association (MSSASA) u bah Aristotle C. Rymbai hynne ka sngi ula pyntip ba ka Iingbishar ka Supreme Court ka la pynjlan ia ka por na ka ar snem sha lai snem ban ailad ia ki nonghikai kin pyndep ia ka Teachers Eligibility Test (TET) hapoh ka 31 tarik Nailar, 2027.
Haba kren sha ki lad pathai khubor, u bah Aristotle ula ong ba hadien ba ka Spureme Court ka la pynmih ia ka hukum ha ka 1 tarik Nailur, 2025 ba baroh ki nonghikai kiba don ha ka kam hikai kidei ban pyndep ia ka TET eksam hapoh arsnem naduh ba pynmih ia kane ka hukum.
Ula iathuh ba kane ka hukum ka pyllait noh tang ia kito ki nonghikai kiba sah tang hapoh san snem ka por treikam, kim donkam ban leh ia ka TET.
Halor kane, u bah Aristotle ula iathuh ba na ka liang ka MSSASA ka la phah ka jingkyrpad sha ka Iingbishar Supreme Court ban kyntu ba ia kane ka hukum, ym dei ban pyntreikam shadien hynrei dei ban treikam naduh ka sngi ba la pynmih ia kane ka hukum ne naduh ba la pyntreikam ia ka Right to Education, Act ha kane ka jylla kaba mut naduh ka 1 tarik, Iaiong, 2010 shaneng.
Ula iathuh ba haba iadei bad kane ka jingkyrpad, ka Iingbishar Suprem Court ka la kyntait ban pdiang ia kane da kaba pynshong nongrim na ka Amendment RTE Act kaba la leh ha u snem, 2017.
“ Ka Iingbishar da kaba shai ka la rai ba kam lah ban pdiang ne ban pyllait ia ki nonghikai kiba trei shwa 23 tarik nailar, 2010 ban lait na ka TET namar la pyntreikam ia kane ka RTE Act ha u snem 2017 bad ha kane ka Amendment la kdew ba baroh ki nongikai kiba trei ha shwa u 31 Lber, 2015 ki hap ban pyndep ia ki jingdonkam katkum ka kyndon ba la pruid dak ha ka National Council of Teachers Education (NCTE) ha ka 23 tarik Nailar, 2010,” ong u bah Aristotle.
Hynrei haba iadei bad ka jingkypad ia ka Supreme Court ban pynjlan ia ka por ban pyndep ia ka TET, ka Iingbishar ka la pdiang ia kane bad ka la pynjlan sa shi snem kaba mut na ka 2 snem sha ka 3 snem bad ki nonghikai ki dang iohlad ban pyndep haduh 31 tarik Nailar, 2027.