Iiatreilang ka Vi, Meta ban pyniaid ia ka jingpynshisha ia ki mobile jong ki nongpyndonkam ha ka rukom kaba suk

Ka Vodafone Idea (Vi) bad Meta kila iatreilang ban wanrah ia ka Silent Mobile Verification (SMV) ia kito kiba pyndonkam ia ka Vi haba ki leh ia ka WhatsApp, Facebook bad Instagram, da ka jingthmu ba ka jingpynshisha ia ki nongpyndonkam kan long kaba sted, bad shngain bad kaba suk. Kane ka jingpynshisha kaba iaid katkum ka network da ka buit stad teknology kan iarap ia kiba pyndonkam ban pynshisha ia u mobile nombor jong ki khlem da hap ban pynrung hi da lade ia u code jong ka jingpynshisha ne u verification code, ban kylla na kawei ka applikashon sha kawei pat ne ban ai ban ioh ia ka SMS message jong ka jingpynshisha. Hapoh jong kane ka rukom treikam thymmai, ka jingkyrpad ban ioh ia ka jingpynshisha la leh beit lyngba ka telecom network ka Vi mynta I nongpyndonkam I pyndonkam ia ki rynsan jong ka Meta ha ka Vi mobile network.

Katkum ka kompany, kane ka jingshakri kan kyrshan ia ka jingiaid lynti ba bun jait jong ki nongpyndonkam, ba kynthup ia ka jingpynrung kyrteng thymmai ne ka registration, ka jingpynshisha ia u mobile number verification, ka jingleh ia ka login bad ban login biang ne re-login, ka jingioh biang ia ka account bad ka bishar ia ka jingshngain. La khmih lynti ba kane ka jingleh ka long ban pynsuk ia ka jingkynthup ia ki nongpyndonkam ha kajuh ka por pat ban pynkhlain ia ka jingiada na kito kiba pyrshang ban thok bad ka jingpyndonkam bakla ia ki jingtip ba la pynrung ha ka digital kiba dei Jongno re Jongno.

Haba kren shaphang kane ka jingpyllait paidbah, U Abhijit Kishore, CEO jong ka Vodafone Idea Limited, u ong ka telecom network ka la long ka bynta kaba kongsan bha ban wanrah ka jingshngain ha ka liang ka digital. U la ong ruh ba kane ka jingiatreilang bad ka Meta kan iarap ban nang kham pynkhlain ia ka jingshngain ha ka liang ka cyber, pynduna ia ka jingshah thok bad pynsuk ia ka jingpynshisha ia ki nongpyndonkam.