U Symbud Myntri Rangbah ba peit ia ka tnat kam Pohiing u Bah Prestone Tynsong ula ong, ka Sorkar Jylla kam pat pynsangeh ia ka project lynti Rel hynrei kan pyniaid shakhmat tad hadien ba la ioh ia ka jingmynjur lang na ki kynhun bapher bapher.
Haba kren sha ki lad pathai khubor u Bah Prestone ula ban jur ban pynurlong ia ka jingdawa pyntreikam ia ka Inner Line Permit (ILP) ka dei kaba donkam mynta ha Jylla.
“Kam dei ka jingkylli ban pynsangeh ia ka project. Ngim pat ju ong ba ngin pynsangeh lynti rel hynrei ngi ong ba ngin shim ia ka jingmynjur lang jong baroh. Kane ka dei ka mat ba hakhmat eh” la ong u Bah Prestone.
Ula ong ki jingsngew jong ki paidbah ki long shai ba donkam bad bynrap ia mynta ka kam ba kongsan eh ka dang sahteng. Ki Kynhun bapher bapher, wat ki nongshong shnong ka Jylla ki kwah ILP. Lada la mynjur ia kane ka project lynti rel ngin sa iakren” ula ong.
Ka project lynti rel ha ri-lum Khasi ka la sahkut namar ka jingpyrshah na ki kynhun bapher bapher kynthup ki Sengbhalang. Kane ka project ka kynthup ia ka lynti rel na Tetelia-Byrnihat ba 22 Km bad ka lynti rel na Byrnihat-Shillong ba 108 km.
Halor ka jingtyrwa ker sainar ha khappud ka India-Bangladesh, u Bah Prestone ula iathuh ba um pat don ba ong, hynrei la khmih lynti kane ka kam kin sa iakren ha ka jingialang ka NEC.
Ka 73rd NEC Plenary ka la long ha Shillong naduh ka 3 tarik Jylliew haduh 5 tarik Jylliew bad yn pyniaid da u Myntri kam Pohiing ka Ri u Amit Shah.
You may also like
-
Mynjur ka sorkar MDA ban pynieng i’u James Sangma u kyrtong MP Rajya Sabha
-
Shyrkhei ka jingtuh ki Petrol Pump, lada theh 186 litar ka GPS ka iathuh 173 litar
-
Ka sorkar pdeng ka ai jingbit ban tih dewiong ha ki jaka barit: MR
-
Ka Plenary Session ka NEC kan kyntiew ia ka roi ka par ka thain ryngkat ka mang tyngka
-
Ïoh sei metiap Rangbah na krem dewiong hajan ophis DC