Pynpaw ka jingpyrshang jong ka TRAI ia ka jingduna ha ki network ha Meghalaya, kaba pyni ruh ia ka jingtreikam sted jong ki data

Ka Telecom Regulatory Authority of India (TRAI) ka la pyni ia ki jinglap jong ki Independent Drive Test (IDT) kiba la pynlong ha kylleng jong ka thain mihngi bad sepngi jong ka ri Jaintia, bad kumjuh ruh ha ki shi lynter jong ka Ratha Cherre Khasia Punjee-Jowai jong ka NH-6 ha Meghalaya, ban bishar ia ka jingbha jong ki mobile ba la tyrwa da ki nongpyntreikam telecom.
Ia kane ka jingpyrshang, kaba la pynlong naduh ka 11 tarik Lber haduh 16 tarik Lber, 2026 hapoh jong ka North East Licensed Service Area (LSA), la leh ha ki 213 km ki lynti shnong, 98.9 km ki surok bah, 10 tylli ki jaka ba huihui bad 0.5 km ki jingpyrshang da kaba iaid kjat. Kaba la pynlong hapoh ka jingpeit jong ka Regional Office jong ka TRAI kaba don ha Kolkata, kane ka jingpyrshang ka la bishar bniah ia ki kyndon ba kongsan kiba kynthup ia ka jingai network, ki jingbymshai jong ki mobile network, ki phone call kiba lah ban pyniasoh, ka jingiohsngew bha ia ka jingiakren, ki jingsted jong ki download bad upload, ka jingsuki jong ka network bad ka jingbym poi ki internet data ne packet loss.
Kane ka jingpyrshang ka la pyni ia ki jingduna ha ki jinglah ban ai jingshakri bad ki jing bymshai jong ki sur ia kren ne ki mobile network. Mynba la pynlong ia kane ka jingpyrshanga, ka BSNL ka la ioh lum jingkhein ia ki 34 tylli ki mobile network ki bym shai, bad 30 tylli jong ka VIL, katba ka Jio ka la ioh jingkhein tang 2 tylli ki mobile network ki bym shai. Ha ki surok bah, ka VIL ka la ioh jingkhein ia ka jingbym shai ki mobile network kiba bun tam, kaba long 10 tylli. Kane ka jingpyrshang ka la kynthup ia ki jaka kum ka Jowai, Khliehtyrshi, Nartiang, Shangpung, Sutunga bad Rachai, bad la don ki jingpyrshang kiba la pynlong ha lynter jong ka NH-6 lyngba ka Ratachera, Umkiyang, Sonapur, Lad Rymbai bad Mukhla. Kane ka jinglum jingkhein ka la kynthup ia ki ophis sorkar, ki jaka pule, ki hospital bad ki jaka iew