Nang pyniar ka Shree Cement ia ka sienjam treikam ban pynioh ia ki kor ai jinghikai ba treikam da kasngi bad ka bording kaba khuid ha Meghalaya

Ka Shree Cement ka la pyniar ia ki sienjam treikam ban kynriew ia ki shnong ki thaw ha
Meghalaya, da kaba pynkhlain ia ki jingtrei ban pynbha ia ka pule puthi, ka jingpynioh iaka bording
bad ka jingim ba iaineh ha ki jaka nongkyndong lyngba ki projek bording da ka sngi.
Ka kompany, da ka jingiatreilang bad ka GHE Foundation bad kiwei kiba iadon bynta lang ha shnong,
ka la thaw ia ki kamra class kiba la tip kum ki smart classroom bad ki jaka pule ba hikai da ki kor
digital ha ki skul ha kylleng ki bynta jong ka jylla. Ha ka snem mang tyngka 2026 ne FY26, hynniew
tylli ki skul ki la ioh ia ki computer laboratory ba treikam da ka bording jong ka sngi, kaba la ai
jingmyntoi ia jan 3,000 ngut ki khynnah bad 117 ngut ki nonghikai. Kine ki shlem ki ai ia ka jinghikai
lyngba ki kor ki bor digital bad ki jingpule kiba iahap bad ka pule puthi ha ki jaka ba ka jingioh bording
ka long kabym lah ban shaniah.
Nalor ki sienjam treikam kiba phai khmat sha ka pule puthi, ka Shree Cement ka kyrshan ruh ia ka
projek sam bording lyngba ka sngi ha ki shnong bad kaba la lah ban pynbiang bording ia ki 250 tylli ki
longiing ha ki 12 tylli ki shnong. Lyngba ki jaka pynlang bording na ka sngi kiba rit , ki nongshong
shnong mynta ki la lah ban ioh ia ka jingshai, ban charge mobile bad ka bording ba lah ban shaniah,
kaba la nang kham wanrah jingshngain bad ka jingseisoh..
Ka kompany ka la wanrah ruh ia ka ding ban shet jingshet kaba la treikam da ka sngi ha ki 151 tylli ki
longiing ha ki 10 tylli ki shnong. Kane ka sienjam ka khleh lang ia ka bording jong ka sngi kaba la ioh
na ki kor ba buh halor tnum bad u khiew pressure ba da ka elektrik, kaba la iarap ban pynduna ka
jingshaniah ha ki diengthang bad ka la iarap bha ban pynkhuid ia ka lyer hapoh iing kaban pynlong ia
ka rukom shet jingshet kaba khuid bad bym ktah ia ka mariang.