U MDC ka Voice of the People Party (VPP) na Mawkyrwat Bah Pynkhrawboklin Kharjahrin, ula iehnoh kam kum u Executive Member (CEM) ka Executive Committee ka VPP ha Khasi Hills Autonomous District Council (KHADC). Ka khubor iehnoh kam une u MDC kum u EM ka KHADC ka la mih la katto katne taiew mynta bad katkum ki khubor hamsaia la kynnoh ba ka jingiehnoh kam ka dei namar ka jingdon ka jingiapher jingmut bad ki nongialam ka party.
Kaba phylla ka long bad wat hapoh ka Dorbar Lyiur ba dang iaid mynta, une u MDC u dang shong ha ka shuki EM ha ka Liang Synshar hapoh ka Iing dorbar. Hynrei katkum ka jingpynbna ba la pynmih da u Commissioner & Secretary ka Tnad District Council Affairs (DCA) ka Jylla Bah CVD Diengdoh, ha ka sngi Thohdieng (19 tarik Jylliew), la pyntip ba u Lat ula pdiang ia ka shithi iehnoh kam une u MDC kum u EM ka Council.
Kane ka dei ka sien ba ar ba ki MDC ka VPP ki la hiar shuki hi ha ka Executive Committee (EC) tang hapoh ka shisnem saw bnai ba kane ka party ka la synshar ha KHADC. Tang hynniew bnai ba ka VPP ka la shimti ia ka bor synshar ka KHADC, nyngkong eh u MDC ka Langkyrdem-Laitkroh Bah Shembor Rynjah ula hiar shuki kum u Chief Executive Member (CEM) bad mynta sa u MDC ka Mawkyrwat uba la hiar shuki kum u EM.
You may also like
-
Jam ka Shillong Commerce’s kolej ia u mawmer ba 60 snem ka jingshakri ia ka pule puthi
-
Ka sorkar kan pyntreikam da ka ‘Scrap Policy’ ia ki kali rim shwa ban kut snem
-
Mynjur ka JHADC da ka Resolution ban kyrpad ia ka President ban ai lad tih dewiong biang ha Jaintia
-
Pyllait u Myntri Rangbah ia ka kot halor ki jingtei ba pyni ia ka jingstad ban im bad ka mariang
-
Bthah u MR ia ka SAI Computer bad MePDCL ban pynpoi thikna sha ki longiing ia ka bording ilektrik