Ki dkhot jong ka Liang pyrshah hynne ka sngi kut ka Dorbar Lyiur ki la mih jyndat na Iingdorbar hadien ba u Shnongknor ka KHADC um shah ia u nongialam ka Liang pyrshah ban iakren halor ka Service Rules. Haba thmu ban shim bynta ban kren ba ia dei bad ka Service Rules, u Shnongknor ula bthah ia u nongialam ka Liangpyrshah u Bah Titosstarwell Chyne ban shong noh namar um shah ban iatai, namar u khlem ioh jingbit.
“Lada phim ai lad ia nga ban kren kamut phi la kyntait ia ngi kum ki nongmihkhmat ban shim bynta ha ka Dorbar” la ong u Bah Titos. U Bah Titos da ka jingbitar ula ong ba ka Executive Committee (EC) ka don ia ka jingbun paid (Number) balei ka tieng ban ia kren. “Ngin ia shong hangne haduh 8 baje ruh lada donkam,” ula ong. Na ka liang u Shnongknor ka KHADC ula ong, ba u khlem kyntait ban iakren hynrei ka jingkyntait ka dei namar u Bah Titos ula thoh tang da ka kyntien Delete ha ka slip pan jingbit ban iakren halor ka Service Rules.
“Nga khlem kyntait namar kata ka Rules ka long biej ia ka Shuki ban shah, phi la dei ban thoh ba phi kwah kren” ula ong. “Ngan shim da ka rai jong nga, kiba mynjur ban wanrah ia ka Amendment, sngewbha ieng, ki bym mynjur kin shong, haba bun ki bym mynjur, kumta ka rai jong nga ka long, ngam shah ban iakren” ula ong.
You may also like
-
Pyniasoh U MLA barim Bah Mohendro Rapsang sha ka BJP
-
Ioh kyrdan banyngkong ka MLCU na ki skulbah ha Meghalaya
-
Hiar jurip u Bah Prestone ia ka surok Laitlyngkot, yn pyniaid kali na jaka u Bah Khrik
-
Rai ka sorkar ban shna Meghalaya House thymmai ha Vellore
-
Dawa ka BJP ban tohkit halor ka jingtwa surok Shillong-Pynursla-Dawki