Ban pynskhem ia ka jingkut jingmut jong ka sha ka koit ka khiah jong ka imlang ka sahlang, ka Shree Cement Limited, ryngkat bad ka jingiatreilang bad ka VisionSpring Foundation, ka la wanrah ia ka jingpyntreikam jong ka jingai jingsumar khmat kaba seisoh ha kylleng ka thain East Jaintia Hills district jong ka Meghalaya hapoh ka prokram See to Earn. Kaba la pynlong ha u bnai Jymmang bad Jylliew jong u snem 2026, kane ka jingpyntreikam ka thmu ban pynkiew ia ka jingseisoh, ka rukom im bad ka koit ka khiah da kaba wanrah ia ki jingpeit bniah ia ka bor iohi kiba suk ban ioh bad ki jingshakri ban ai iitkhmat sha kito ki bym lah kot.
Kane ka prokram ka la poi sha ki 1,500 ngut ki nongioh jingmyntoi, kaba kynthup ia 742 ki shynrang bad 758 ki kynthei, kaba pyni ia ka jingtreikam ba pura ban poi sha ki shnong ki thaw. Lyngba ki jingpynlong ia kine ki jingpeit bniah ia ki khmat ba la pynlong ha kylleng jong ka thain East Jaintia Hills, ki nongshong shnong ki la ioh ia ki jingsumar khmat kiba bha bad kiba jan sha ki jaka sah, kaba pynduna ia ka por leit por wan na ka bynta ki jingioh jingsumar bad ka jinglap ia ki jingshitom.
Kane ka sienjam treikam ka la poi sha ki jaka kiba bun, ba kynthup ia ka Moolansgi, Loomthari, Tongseng, Bomkhosngi, Loomshyrngan, Daistong, Khaidong, Lumbangala, Shnong Thymme bad Khliehriat, kaba pyntikna ba ka jingshakri kan poi lut sha ki shnong ki thaw baroh bad ka jingioh ia ki jingshakri da kaba suk na ka bynta ka imlang ka sahlang. Ka jingniew kyllum ka la poi sha ki 953 ngut ki briew kiba la ithuh ba don ia ki jingduna ha ki bor iohi ba la tip kum ka refractive error bad presbyopia, kaba long kumba 64 na ka 100 jong kito ki briew kiba la leh ia ka jingpeit jong ki khmat. Na kine, 936 ki briew (98%) ki la ioh ia ki iitkhmat ban pynbeit ia ki jingduna jong ki khmat ne ki corrective eyeglasses, katba 87 tylli ki iitkhmat la ai ha kato hi ka sngi, kaba la iarap ia ki nongioh myntoi kaba la iarap mardor ia ka jingim ka jong ki bad ka kam ka khih.
You may also like
-
La Pyllait Ia Ka 31st European Union Film Festival Ha Shillong Da Ka Jingpdiang Sngewbha BA Shitrhem, Ka Jingrakhe Ia Ka Kolshor Kaba Wanrah Ka Jingiadei Hapdeng Ka Ri Europe Bad India Lyngba Ka Cinema
-
Thmu ka Fairfax ban pynkylla ia ka IDBI Bank sh aka bank ban ai jingshakri kaba bha tam ha ka pyrthei ha ka liang ka pisa pilain
-
La pynmih ia ka ICICI Life BSE 500 Momentum Quality 50 Index Fund ban tyrwa ia ki nongthied ia ki kompani kiba kiba don ia ka jingkiew kaba neh ha ka dor Jong ki bhah ne share
-
Pynmih ka Vi ia ka Vi Intelligence, ka jingpyntreikam AI ban wanrah ia ka lashai jong ki Agentic Enterprise
-
Ka sien pynlong kaba 31 jong ka european union film festival (euff) 2026 kan sdang ha shillong, ka ban pyni ia ki phlim europe kiba la paw
