U Myntri Rangbah ka Jylla u Conrad K Sangma hynne ka sngi, ula plie ia ka Shillong Literary Festival kaba Hynriew kaba dei ka tamasa ha ka thoh ka tar, ka jingdon sap bad ka jingsam mar kylliang ia ka kolshor, kaba la pynlong ha Nan Palok.
Kane ka tamasa kala sdang naduh hynne ka sngi bad kan kut ha ka 14 tarik u Naiwieng, kaba long ka jingiai bteng ia ka riti dustur haba ka pyrshang ruh ban pyni shabar ia ka sur halor ka thoh ka tar ka thaiñ bad ka rukom iathuhkhana ki jaidbynriew Khasi, Jaintia bad Garo.
Ka bynta kaba kongsan mynta u snem kadei ka “First Bloom: Discovering New Writing from the Northeast”, kaba thmu ban ithuh bad pynshlur ia ki nongthoh kiba dang shu mih na ka thain kiba thoh ia ki kot ha ki bynta ki bapher bapher.
U Conrad Sangma ula ong, ba ka long kaei kaei kaba ai mynsiem ban iohi ba kane ka tamasa kala jam shaphrang naduh ba la sdang ia ka 6 snem mynshwa bad kadei kaei kaei ruh, kaba la sdang kum ka buit hapdeng ka jingbym long thikna kala kylla long kum ka rynsan kaba kongsan ha kaban rakhe ia ka thoh ka tar, jingdon sap bad ka jingpashat ia ki jingai jingmut kiba thymmai.
U Myntri Rangbah ula ong ba ka tamasa kadei shi bynta jong ka jingiohi jngai ban ailad ia ki samla bad ki kabu ban shem ia la ka sap ka phong, ban pynpaw ialade bad ban iakren bad ki briew kiba stad bad shemphang na kylleng ki ri.
Ula pynpaw ruh ia ka jingkyrmen ba kane ka tamasa kan poi sha kylleng ki sor bad ban ioh ruh ia ka jingdon ia ka rynsan ha ka pyrthei bad ula kitbok ia ki nongthoh kot, ki nongdro dur, ki nongpynïaid bad ki nongiashimbynta ba kan long kaba jop.
Kumban shu pynkynmaw ia ka Shillong Literary Festival la pynlong nyngkong eh ha u Naiwieng jong snem 2021 ha Nan Palok, ha kaba u Conrad Sangma ula plie ia kane ka tamasa ryngkat ka jingdonlang u Ambassador ka ri Japan sha India u Satoshi Suzuki.
Naduh ba la sdang ia kane ka tamasa kala wanrah lang ia ki nongthoh kot, nongthoh poitri, ki nongpathai khubor, ki nongpynmih kot bad ki nongpule na kylleng ka thaiñ shatei lammihngi bad na kylleng ki bynta ka ri India, ryngkat bad ka jingpynshlur ia ka kolshor ban pule bad ban thoh hapdeng jong ki samla.
You may also like
-
Lada ïai ïuhroit ïa ki longkmie pyrshah Ropeway, ym banse ban mih surok: Ardent
-
Sa ha Jowai ïakhih ki nonghikai Deficit
-
Shuwa ban sdang proseshon jurip u MLA ïa ka surok ha Maweit
-
Ïakhih ki driver bos pyrshah ïa ka sorkar halor ka jaka ïeng kali ha Ïew Mawlong
-
Sdang ka jingrakhe ia ka Jubili Ksiar jong ka Wangala Festival
