U Abhilash Singh, Area Manager Road Safety Honda, Kolkata ha ka sngi Thohdieng ka 10 tarik u Naitung u la pynpaw ba ka jingjia takhuh kali ne aksiden ka ri Amerika ka wan nyngkong, hynrei ha ka jingkhlad na ka takhuh kali ka India ka wan nyngkong na kadaw bym biang bha ki tiar iada ia ka met bad bym bud hok ia ki kyndon.
U Area manager u la pynpaw ia kane ha ka Road Safety Awareness Training Program ba la pyniaid da ka Shadap Automobile kaba don ha Mawblei, Shillong lyngba ka Honda company kaba ki la pynlong na ka bynta ban ai jinghikai ia ki khynnah pule ka Don Bosco Technical School, Shillong.
U la ong ong ba kum ka kompeni ki don ia ka thong ban pyrshang katba lah ban pynduna ia ka jingjia aksident bad ia ka jingiap.
Kumta halor kane ka Road Safety u la ai jinghikai ia ki khynnah kiba don ha kane ka sngi ba ki dei ban phong helmet, ban ym pyndonkam mobile phone haba niah kali ne ar Shaka, ban ym niah por buaid khawiang, ban kynmaw teh seat belt ban lait na ka jingmynsaw, khamtam ha ki kali ba don air bags, lada phim teh seat belt ka air bag kan ym mih shabar.
U la bynrap ban ym shim pass ha surok bakhun ne turning, ban ym overtake kulmar, ban pynleit jingmut bha haba niah kali ne ar shaka bad ban phikir haba don ka trok hakhmat ban ym shim pass kulmar, naba phim iohi kaei kaba don ha khmat jong ka.
Ha kajuh ka por u la ong ba bun na ki paidbah ki tip ia ki kyndon, hynrei kim bud ia ki, dei na kane ka daw ka jur ka jingiap haba jia takhuh kali.
Kumta u kyntu bad banjur ba dei ban bud ia ki kyndon baroh, ban lait na ka jingmynsaw bad ban shngain ka jingim kaban manla ka sngi.
Hashuwa kane la ioh ia ka jingkren na u Father Shiningstar Dkhar, uba dei u Principal ka Don Bosco Technical School, Shillong ha ka jingdon ryngkat u Vishal Nengnong, General Manager jong ka Shadap Automobile, ka kong Larrihun Gashnga bad ki khynnah skul.
Ki khynnah kiba ia shim bynta ha kane ka sngi ki la ioh ruh ia ki syrnot ia shim bynta jong ki.
Kumba shu kdew ia kane ka prokram Road Safety ki dang shu dep pynlong ruh ha KV Higher Secondary School, Happy Valley bad ha Army Public School, Rilbong.
You may also like
-
Nalor ki Task Force, bthah ka Sorkar ïa ki BSF ban tehlakam ïa ka khaii tuh masi sha Bangladesh
-
Lum jingialang u MR na ka bynta ka Baghmara Civil Hospital
-
Da ka rukom tih dewiong Tunnel buh jingtyrwa ka Sorkar Jylla sha ka Sorkar Pdeng
-
Ther u ‘lapbah ha SWKHD, khyllem ka kynroh Iingmane Balang Presbyterian Mariem
-
Kyntait u Sing ban kyrshan ïa u kyrtong Bom ha ka ilekshon MP shiteng samoi