Rakhe ka EWKH ïa ka ‘National Fish Farmer’s Day’ 2026

Ka Department of Fisheries Government of Meghalaya, Eastern West Khasi Hills District hapoh ka jingkhmih u Superintendent of Fisheries ka West Khasi Hills District, haka 10 tarik u naitung 2026 ka la rakhe ïa ka ‘National Fish Farmer’s Day’ ïa kaba la pynlong ha ïing Dorbar hall jong ka Donggate Pyndengumiong Mairang.

Ha kane ka program la wan ban ïadonlang daka Deputy Commissioner ka Eastern West Khasi Hills District ka kong Anita Kharpor kum ka kongsan kaba la ïoh ruh ban pyllait paidbah ïaki ar tylli ki thuk thuk kiba donlang ïaka ice box ïa kaba ïoh lyngba ka scheme Pradhan Mantry Matsya Yojana 2023-24.Ka tnat ri dohkha jong ka District ha kane ka sngi kala ïoh ruh ban sam ïa ki sernot jong ka jingithuh ïa ki 4 ngut ki progressive fish Farmers kiba la ïoh ïaki jingïarap naka sorkar lyngba ki scheme bapher bapher. Shuh shuh ha kane sngi kyrpang jong ki Nongri Dohkha ka tnat ri dohkha ka Eastern West Khasi Hills District kala ïoh ruh ban sam ïaki symbai dohkha sha ki Nongri dohkha jong ka Mairang bad Mawthadraishan Block.

Ïaka phang pdeng jong kane ka program la ïoh ban pynshai da ka Fishery Officer ka Mairang, ka kong Jopilin Lyngdoh Nonglait bad la ïoh ïaka jingkren lyngkot na u bah Rudolf Pakyntein, SMS Fisheries, KVK, West Khasi Hills District.

Kiwei pat kiba la ïadonlang ha kane ka sngi ki kynthup ïaki District Head bad ki Officer na ki line Department ba pher bapher, kum ka Agiculture Department, Soil and water conservation, SMS Fisheries, KVK West Khasi Hills District, SDO Water Resources, office of the Registrar Co-operative Society, MCAB Co-Operative Apex Bank bad ki Nongri Dohkha na Mairang bad Mawthadraishan Block.