U MLA ka Meghalaya Bharatiya Janata Party (BJP) na Pynthorumkhrah constituency u Bah AL Hek hynne ka sngi ula ïathuh ba ula thoh sha u Myntri Rangbah ka Jylla u Conrad K Sangma ban wad ki lad lynti ban iarap ia ki longiing ba iap ha Lapalang.
Haba kren sha ki lad pathai khubor u Bah Hek ula ong ba kine kiba la khlad ki dei na ki longiing kiba duk bad ki long ruh ki nongkamai ba kongsan ba pyndap ïa ka ïing ka sem jong ki.
“Ki dei na ki longiing ba duk bha bad ki dei ruh kiba pyndap ïa ka ïing ka sem jong ki. Ngi la duh noh ruh 2 ngut ki khun samla kiba leit ban ai jingïarap ïa kitei ki lanot hynrei ki ngat kylla ha ka jingjia ba sngewsih” u la ong.
U Bah Hek ula la ïathuh ba u la kyrpad ïa u Myntri Rangbah ba ym dei tang ban ai jingïarap pisa ne bailuksan sha ki longïing hynrei ba dei ruh ban ai ka jingithuh ïa ka kam riewshlur jong kitei ki 2 ngut kiba la aiti ïa la ka jingim katba ki dang pyrshang ban pynim ïa kiwei.
“Nga la kyrpad ïa u Myntri Rangbah ba ym dei eh tang ban siew bailuksan hynrei ruh ban ai ka jingithuh ïa ka kam riewshlur jong ki. Dei ban ai ka jingithuh ïa ka kam shlur jong ki, la ka dei da ka khusnam ne ka jingai sngewbha, khnang ban pynshlur ïa kiwei pat ba kin mih shakhmat ban jingïarap ïa ki para briew,” ong u Bah Hek.
You may also like
-
Ujor ejahar ba pynpra khyrdop JHADC
-
Ki ‘Social Media’ ki tuh ia ka jingtip shimet u briew ban ialam bakla ia ki paidbah”
-
Ryngkat ka riam tynrai kiew u Kitkupar ha rynsan ka WCOPA
-
Kem ki pulit i’u Rangbah ba pyniap ia ka para ha Pyndenumsaw
-
Bun ki karkhana ba pynkheiñ ain ki la khang Dang bishar bniah ka sorkar ia ka jingjaboh ka lyer ha Byrnihat