Ka kynhun jong ka Synjuk Ki Nongsynshar Shnong, bad Synjuk Ki Rangbah Kur, ka la ia shem bad u Lat ka Jylla Meghalaya ban tyngkan na ka bynta ban kubur ia ka aiñrew Khasi Hills Autonomous District (Land Administration) Amendment Bill, 2026, na ka bynta ban taijlih (amend) namar ba ka long pyrshah ia ka Khyrnit Bahynriew jong ka Riti Synshar Ka Ri India.
Ka kynhun ka la ai da ka dorkhas ban pynshai ia ka kyrdan jong ki Dorbar Shnong, Dorbar Raij, and Dorbar Hima, ha ka synshar khadar ha jylla ka ba la seng naduh hyndai hynthai bad ka ba la ioh jingshaniah na ki paidbah. Ka kynhun ka la kyntu jur ba ka aiñrew ba thmu ban taijlih da ka Dorbar Thawaiñ Dalariti Rilum Khasi (KHADC) ka long kum ka atiar ba pyntlot bor kheiñ dewthala ia ka iktiar jong ki Dorbar Synshar Riti tynrai ha ka jylla.
U lat u la kular ban khmih bad bishar bniah shwa ban ai kano kano ka rai ryngkat bad ka ba ia syllok bad ka sorkar jylla. Ka kynhun ka la kren shai ba ki khlem ujor eiei ia ka jingthmu ban pynbiang ia ka rukom korbar ia ka khyndew katkum ki kor ki bor ka juk mynta na ka bynta ban suk bad kham ryntih ka kam ia ka sorkar bad ia ki paidbah, hynrei kin ym pdiang ba yn sloit noh ia ka iktiar jong ki Dorbar Synshar Riti.
You may also like
-
Pynkyntiew Red Alert Ha Meghalaya Bad Arunachal Pradesh Ban Slap Jur Ha Assam
-
Dawa ki nongdie madan na Jail Road ban shah die naduh 5 baje janmiet
-
Mad jingeh kiba leit shah sumar ha CHC Umsning ba duna Doctor
-
Lah ban ktah ka jingdon um bad ka rep ba duna ka jinghap slap ha Meghalaya
-
Pynlong ka Synjuk ki Rangbah Kur ka Bri u Hynniewtrep da ka Movement ban khanglad tuh jait ki bar jylla bad ai jaid kpa