Pynpoi ka Instamart ia ki tiar ba kyrpang ba na ka thain shatei lamihngi sha kylleng ka India

●          U Myntri Rangbah ka Meghalaya u Conrad K. Sangma u la ithuh ia ka jingpyntreikam na ka bynta ban nang pynheh ia ka jinglah ioh na ka bynta ki nongrep ha ka jylla 

●          Ki jingthmu ban wanrah ia ki jingthuh ba la don ia ka GI-tagged na ka thain shatei lamihngi sha ki nongthied ba don shathie bad sha sepngi jong ka India

●          U sohbang khasi ne u Khasi Mandarin, u sying Karbi Anglong ne u Karbi Anglong Ginger, u sohmanir Tezpur ne u Tezpur Litchi bad u sohjew Kachai ne u Kachai Lemon ki la long napdeng ki jingthung ba bun kiba la don ha kane ka iew

Ka Instamart, ka rynsan iew ba sted ne ka quick commerce kaba nyngkong jong ka India, ka la nang pynheh ia ka jingioh jong ki jingthung ba kyrpang kiba na ka thain shatei lamihngi jong ka India, kaba pynlong ia ki jingmad na ka thain ba kin poi sha ki nongthied ha kylleng ka India. Kane ka jingpyntreikam ka thmu ban shna ia ki iew ba thymmai na ka bynta ki nongrep kiba na ka thain bad ia ka Farmer Producer Organizations (FPOs) katba ka nang pynlong kaba suk ia ki nongthied na kylleng ka ri ba kin ioh ia ki jingthung kiba kyrpang lyngba ki nongdie kiba don ha kane ka rynsan.  Kaba la sdang da ki sohtrun kiba kyrpang na Meghalaya, mynta kiba la lah ban ioh da ki nongthied ha Bengaluru, kaInstamart ka la plie ia ki iew ba thymmai na ka bynta ki jingdie kiba na ka thain sha kylleng ka India. Kiba la ioh na ka Jirang Organic Agro Farmer Producer Company (FPO), kine ki sohtrun ki long kiba la kit da ki liengsuin na Meghalaya sha Bengaluru. Haduh mynta, ki nongrep ki shaniah ha ka jingdawa kaba don tang ha ka thain shatei lamihngi bad ki iew die lang kiba ha Delhi. Da kaba pyniasoh ia kine ki kynhun nongrep ne ki farmer producer organisations bad ki nongthied ha ki nongbah ba thymmai, ka Instamart ka iarap ban nang pynheh ia ka jinglah ioh jong ki iew na ka bynta ki nongrep lyngba ki nongdie katba ki nang pynithuh sha ki longiing kiba bun ia ki jingmad kiba kyrpang, kiba pher, bad ka rukom long kaba pura jong u sohtrun ba na Meghalaya.

Kane ka jingpyntreikam dang shen ka la ioh ia ka jingiaroh na u Myntri Rangbah ka Meghalaya u Conrad K. Sangma, ha ka dur ba la buh ha ki rynsan social media, kaba pyni ia kane ka jingpyrshang kum ka sienjam ba kongsan na ka bynta ka jingpynskhem ia ki jingiateh ha ka liang ki iew die jingdie na ka bynta ki nongrep jong ka jylla bad ban pyni paidbah ia ka rep ka riang jong ka Meghalaya sha ki paid ba bun.  U Gautam Swaroop, Chief Business Officer – Instamart, u la ong, “Ka thain shatei lamihngi jong ka India ka long ka shlem jong ki jait jhur bad soh kiba kypang bad kiba bha ha ka ri, tangba bun na kine ki jingthung ki shu don tang ha ka thain lane ha ki katto katne tylli ki iew. Lyngba ka jingpynpoi jong ka Instamart, ngi la ioh ka lad ba kyrpang ban wanrah ia ki jingthung kiba dang im bad bhana ka thain sha kylleng ka ri katba ngi nang wanrah ia ki lad ba thymmai na ka bynta ki nongrep bad ki kynun ba pynmih ia ki mar rep. U sohtrun ba na Meghalaya u long ka bynta jong ka sienjam ba nyngkong ha kane ka jingiaid lynti, bad katba nang iaid ka por, ngi kyrmen ban wanrah ia ki jingpynmih ba kham bun kiba na ka thain shatei lamihngi na ka bynta ki nongthied ha kylleng ka India.”  Iba Thangkhiew, CEO, Jirang Organic Agro Farmer Producer, ka la ong, “Na ka bynta ka Farmer Producer Company kaba don ha ka thain nongkyndong jong ka Meghalaya, kane ka jingiatreilang ka long ka sienjam kaba ngi sngewsarong. Ka wanrah ia ki nongrep jong ngi ia ki lad ban pynpoi sha ki nongthied kiba thied ia ki mar na ki iew ba die tang ia ki mar ba bha tam bad ka pyntikna ba ka jingtrei shitom jong kine ki nongrep ka poi sha ki nongthied kiba don kham palat ia ki pud ka jylla jong ngi. Ngi sngewnguh shibun ia ka sorkar Meghalaya, khamtam eh u Myntri Rangbah ba donburom bad ki tnat treikam kiba la peit ia kane, na ka bynta ka jingkyrshan kaba khlem pud ka jong ki, ka jingialam lynti, bad ka jingkut jingmut ban wanrah ia ki lad die jingdie na ka bynta ki nongrep jong ngi. Kane ka jingiasnohkti ka ai mynsiem ia ki nongrep ki jong ngi, ka nang pynbha ia ka jingioh ka jong ki, bad ka pyni sha ki nongthied ha kylleng ka ri ia ka jingbha jong ki jingthung na Meghalaya.”

Ha ki 12 haduh 24 bnai, ki nongdie kiba dei ki third-party kiba la don kyrteng ha ka Instamart ki thmu ban pyniar ia ki jingioh na ka thain shatei lamihngi ha kylleng ka India lyngba ki jingiatreilang bad ki Farmer Producer Organisations (FPOs) kiba bun, ki kynhun treikam lang jong ki nongrep bad ki sj;e, treikam kiba na ka thain ne ki regional agencies.  Kum shi bynta jong ka jingiaid lynti jong ka kam, bun na ki GI-tagged bad ki jingthung kiba dei na ka thain la bishar bniah, ba kynthup ia u soh bang ba na Meghalaya, u sying Karbi Anglong ba na Assam, u sohmanir ba na Tezpur, bad u sohjew Kachai ba na Manipur. Ka kompani ka nang pyniar shuh shuh ia ka jingwad jong ka ia ki jingthung kum u soh kiwi, u rynsun na ka thain katba ki nongdie ki nang buh ia bun ki jait mar. Ia kane la leh halor ka jingdon jong bun ki mar rep kiba dang im bad kiba bha kaba don ha ka Instamart, kaba la treikam lypa bad 430+ tylli ki FPOs bad ka ktah ia palat 10,000 ngut ki nongrep ha kylleng ka ri ban wanrah ia ki soh bad ki jhur kiba pura sha ki nongthied. Ka Instamart ka thmu ban pynsuk ia ka jingdawa kaba neh na ka bynta ki mar rep kiba bha tam jong ka thain, ki jingthung GI-tagged katba ki nang pynlong ia kine ki jingthung ki ba kyrpang koba kham suk ban ioh na ka bynta ki longiing nalor jong ki iew kiba ju don lypa.  Shaphang ka Instamart Kaba la pynmih ha u bnai Nailar 2020, ka Instamart ka long ka rynsan iew ba sted ne ka quick commerce platform kaba nyngkong ha India. Mynta ka don ha ki 131+ tylli ki nongbah, ka Instamart ka don ia ka teknoloji kaba kham bha bad ka don ruh ia ki kali ba la buh kyrpang ban wanrah ia ki marbam bad kiwei kiwei ki jingdonkam ba man la ka sngi sha ki khyrdop iing jong ki nong India.