U Rangbah Shnong ka Pynthorumkhrah Golflink u bah Michael Hek ula ong ba ka Khasi Hills autonomous District Council (KHADC) ka dei ban wan khynra ia ka trading license halor ka jingkhrong pisa ka Shillong Club Limited kaba peit bad pyniaid ia ka Goflink.
Haba kren mynta ka sngi, u bah Michael ula ong ba ka jingkhrong pisa ka Shillong Club Limited ia ki paidbah ba wan iaid kai, bam lyer pynngad ha Golf ka ktah bha namar ba ka dor kaba rem.
Ula kam ba ka Shillong Club kam dei ka kompeni ki riewlum trai jylla hynrei ka dei ka kompeni bym dei riewlum ne non-tribal corporation bad ka KHADC ka dei ban kynra ia ka trading license namar ba ka treikam ha ka jaka kaba hap ha ka Sixth Schedule kaba peit ka Council.
“Nga la dep phun ia u MDC ka Mawkhar-Pynthor bah Strong Pillar Kharjana ba un kren ha ka EC ba kan leh ia ka kamram bad na ka liang ka shnong ruh kan ai ka jingiatreilang, hynrei mynta ka KHADC kam pat wan ban pyllong ia ka jingjurip,” ong u Rangbah shnong.
Ula ong ba lada ka Council ka wan jurip ka shnong kan ai ka jingiatreilang.
Ha kajuh ka por, ula ong ba ka shnong ka ju pyrkhing ia ki bar jylla kiba wan trei ha kane ka shnong, khlem da don ia ka Labour Lisen.
You may also like
-
4 tarik yn wan u Amit Shah ban kynduh ia 8 ngut ki MLA ba iasoh BJP
-
Thud ki nongleit nongwan ba pynieng kali jot ha surokbah Nongpoh
-
Ka SIR kan pynthikna ba ki mynder ri kin ym ioh thep vote ha Jylla: Sanbor
-
Lada nga jop kum u MP, ngan khyrwait shabi ban pynkut phet seng ki MLA, ong u bah Vivanstone
-
Sdang ka jingkem ksew surok ha Jowai ban ai Injection Rabies