U Myntri Rangbah ka Jylla u Conrad K Sangma ula pyntip ba ula iakren bad u Myntri Rangbah ka Assam u Himanta Biswa Sarma halor ka jingsngewkhia ia ki kam thombor ha Shillong ha ka 19 tarik kaba la ktah ia ki paitbah nongleit nongwan hapdeng ki ar tylli ki jylla hynne ka sngi Palei.
U Conrad K Sangma ula pynpaw ha rynsan Social Media ka X, ba ula iakren bad u Himanta Biswa bad baroh arngut ki Myntri Rangbah ki la mynjur ban iatreilang ha ban pynjai jai ia ka jinglong jingman hapdeng ki ar jylla.
“Ngi lah mynjur ban iatreilang kumba ju leh baroh shi katta na bynta ban pynjai jai noh ia ki jingjia kynad ki briew na baroh ar jylla. Ki Myntri na baroh ar tylli ki sorkar Jylla kin iakynduh ban ban wad ki lad ban pynneh ia ka jingshong suk shong shngain ki paidbah” la thoh u CM ha ka X.
Ula kyrpad ia ki nongshong shnong ka Assam bad Meghalaya ban pynneh ia ka shongsuk bad ka jinglong kawei bad ban tehlakam ia ki riew shim kabu ban wanrah jingkulmar. “Ka Meghalaya bad Assam ki don jingiadei bajan ha baroh ki liang bad donkam ka jingiatreilang ban iada ia ki riewshim kabu” ula bynrap.
You may also like
-
Dawa u Bah Titos ban kyntiew kyrdan ïa ka surok Umtyngar-Shella shaka State Highway
-
Ka roi ka par ka dei ban sdang na ki shnong kyndong, ong u Conrad
-
Pluh ka Industrial Park ha West Bengal, iap 8 ngut kynthup 5 na Meghalaya
-
Ai khublei ka 1st MLP ia u bah Herbert ba ioh khunsnam PPM
-
Ka Golf ka jingialehkai ki heh spahKi samla ki dei ban pynlut por haki jingialehkai phutbol bad kriket