San ngut ki briew na Meghalaya kynthup 2 ngut ki khynnah napdeng phra ngut kiba iap ha ka jingpluh ding hapoh ka Industrial Park ha Sevoke Road, Siliguri, West Bengal ha ka janmiet sngi U Blei.
Kane ka Industrial park ka la kem ding ha ka janmiet sngi U Blei bad ki kynhun ai jingiarap bad ki pulit pynlip ding ki la leit mar mar sha katei ka jaka ban iarap pyllait im ia ki briew ha katei ka jingjia.
Ki nong Meghalaya san ngut ba iap la ithuh kyrteng u Rajendra Nath, Asha Nath, Buran Madak, Shivraj Madak 10 snem bad Aushnath Madak 8 snem. Baroh kine ki dei ki nongshong shnong ka Shib Bari Baghmara ha South Garo Hills, Meghalaya.
Ia kine ki lanot la ioh ban pyllait na ka ding, hynrei namar ka jingmynsaw jur ki dotor ki la pynbna ba ki khlad shwa ban por sha Hospital.
Katba 3 ngut kiwei pat ba iap la ithuh kyrteng u Kamal Roy, Amit Pal bad Subir Saha kiba dei na Alipurduar.
Ki khubor sorkar ki iathuh ki kynhun ai jingiarap ki la ioh ban pynlait im haduh 34 ngut ki briew ha kane ka jingjia pluh iing.
You may also like
-
Nga la iakynduh bad iakren ia ki MLA, kim shym pynpaw ban leit rung BJP: Metbah
-
T.186 klur siew tulop ka sorkar ia ki nonghikai Kolej shimet
-
Ka Rope Way kam wanrah jingma ne pom dieng pathar ha Lum Shyllong: Paul
-
Ym pat siew bai lutksan ban shna surok Six Lane na Jorabat-Umiam bad High-Speed Corridor na Umiam sha Silchar: Prestone
-
Ai u Myntri Rangbah T.5 lak ban pynbha u mot Subhas Chandra Bose bad Swami Vivekananda