Ka bor district ka East Khasi Hills ka la kyntait ban ai jingbit ia ka Khasi Students’ Union (KSU) ba kan pynlong ia ka jingiakhih shong kyllain mungor ha ka sngi ka 24 tarik Nailar ha motdur u Woh Kiang Nangbah, haba kdew ia ka jingsynjor ka shongsuk shongsain bad ka jingpynkhein ia ki kyndon ha ka Rally ar shaka ha ka 19 tarik Nailar.
Lah ban kdew hadien ka jingai dorkhas sha baroh ki MLA, ka KSU ka la pynbna ban pynlong da ka jingiakhih shong kyllain mungor ha motdur u Woh Kiang Nangbah hajan Shillong constituency.
Ha ka shithi sha u Assistant General Secre-tary ka KSU samla Pynshai Rani ba la phah ha ka 22 tarik Nailar, u Deputy Commissoner Abhilash Baranwal ula ong “Kane ka long kum ka jingpyntip sha phi haba peit ia ka jingsynjor ka shongsuk shongsain bad haba khmih bniah ia ka kyndon ba la buh ha ka jingbit ba hashwa ba la ai sha ka Seng ban pynlong ia ka rally thuk thuk ha ka 19 tarik Nailur la pynkhein, ka jingbit ban pynlong ia ka shong kyllain mungor ha ka 24 tarik Nailar, 2026 ka long ka bym lah ban ai”.
Ka shithi ka la pynpaw ruh ba ka bor district ka la pynjari ia ka kyndon 163 jong ka Bharatiya Nagarik Suraksha Sanhita (BNSS) ha ki jaka kiba hap hapoh ka Sadar Sector.
You may also like
-
Lai sien la khot EOI ym don ba kwah Pulom ka jingpyntreikam ia ka Shopping Mall Polo ba heh palat ka dor
-
Dawa ka liang pyrshah ban Register FIR ia kiba donkti khang kali namar ka ktah ia ki kali kit mar
-
Pdiang ka NPP ia ka jingiehkam u Dr. WR Kharlukhi
-
Mynjur ka Iing Dorbar da ka Resolution ban pyrshah tih Uranium
-
Ki phadar bad sister na Kerala ki la aiti met bad mynsiem ban shakri ia ka Meghalaya