Husiar paidbah wat ngeit ia ki ‘Social Media’ peit ia ki kam, ong u Bah Prestone

U President ka NPP uba dei u Symbud Myntri Rangbah ka jylla u bah Prestone Tynsong, ula kyntu ia ki paidbah ba ki dei ban bishar ban peit ia ki kam, ym ban shu lap miet tang ha ki Social Media. Ia kane u bah Prestone ula kren ha ka jingialang paidbah ka NPP ban ialap ilekshon ia u Dr DRL Nonglait kaba long ha Rangthong kaba hap ha Ranikor konstiwensi. U bah Prestone ula ong kyntu ia ki paidbah ba ki dei ban long husiar bha namar ba kane ka juk mynta ka long kaba shyrkhei bha ia ki khun samla namar ba ia kiba bha briew ki lah ban pynsniew dur bad ia kiba sniewdur kim bym don khmut ki lah ban pynmih khmut.

 Ha kane ka jingialang, u bah Prestone ula iathuh ba ka la don kawei ka jingjia ha kaba kawei ka samla na jylla ka la shah shet lyngba ka Social Media ha kaba ka la leit ba iathoh shong kurim ia uwei u briew shabar, hynrei ynda  la poi sha ka jaka ban iathoh, u shynrang um don kjat shilliang bad ki bahaiing kila shaiong bad kila jan kylla lyndang hynrei kim lah leh eiei namar ki la poi sha shnong ki briew. Namar kata ula kyntu ia ki paidbah ba kim dei ban shu sngap tang ia ki Social Media.U bah Prestone ula ong ba ka NPP ka donkam bha ia u Dr. Nonglait namar ba udei u simpah simsong ka jylla ha kaba wat ha NEHU ki khein ba udei uwei na ki riewstad jong ka jaidbynriew.“Nga nud ban ong ba kum une u riew Rangbah ngim ioh shuh bad udei u riewstad ka jylla. Ka ktien khasi bad Garo, ngi ioh dei namar ba ulong u President ka Khasi author Sociey (KAS),” ula ong.

Katba u Kyrtong MP ka NPP u Dr. DRL Nonglait haba kren ha ka jingialang ula ong ba ki don ki briew kiba ong ia u ba udei u briew ba biang ban mihkhmat sha Parliament hynrei u ieng pat na ka party bym biang. Halor kane, ula ong ba watla ki ong ba ka party kam biang hynrei ki kam jong ka pat, ki long kiba dei lut.  Ula kyntu ia ki paidbah ba kim dei ban pynrung ia kine ki jingmut jingpyrkhat hynrei dei ban bishar ia ki kam ka sorkar ka la leh.