Iatehlok ka Vi Business bad ka Cisco ban pynkhlain ia ka jingtyrwa ia ka SD-WAN

Ka Vi Business, kaba long ka shnat jong ka Vodafone Idea Limited, myn ha ka sngi balei ka la pynbna ban don ka jingiatehlok kaba iaid beit bad ka Cisco na ka bynta ban pynkhlain ia ka Hybrid SD-WAN bad iarap is ki tnad Khasi ba kin ioh ia ka network kaba katkum ka juk mynta hapdeng ka jingkiew Jong ka jingpyndonkam ia ka cloud bad iasam ia ka jingtreikam.

Kane ka jingiatehlok ka don lang ia ka WAN Jong ka Cisco Merak bad ka Vi Business’ na ka bynta ban pyniaid ia ki kam ban pyniasoh network khnang ban ki lad khaii kin ioh ia ka network kaba khlain, kaba suk bad kaba iar. Ka Vi Business ka la pyllait ia ka Hybrid SD-WAN solution ha ka snem 2023, da kaba buh lang ia ka SD-WAN, kaba shngain bad ka jingtreikam ba bun rukom Jong ka cloud da ka jingpyniasoh kaba iar, ba kynthup ia ki sleased lines, broadband bad cellular network.

Ba la aibor da ka Cisco Meraki, kane ka lad ka don ka jingtyrwa kaba don tang kawei ka dashboard na ka bynta ban pyniaid ia ka SD-WAN, ki application bad jingtreikam ba bha ne ka performance-aware routing, ka jingshngain, Wi-Fi bad jingpyniasoh bad ki mobile ne cellular connectivity. Ka Vi Business ka la ong ba ka network jong ka ri baroh kawei, ka jinglah ban buddien bad ka jinglah ban peit ia ka jingtreikam Jong ka kam pynioh ia ki shlem khaii da kiei kiei kiba lah ban leh tang ha kawei ne single point of contact bad unified service experience.

Ka kompany ka la ong ba kane ka rukom treikam ban ai jingshakri ka lah ban weng noh ia ka jingdonkam ban don ka jingbei pisa bad ailad ia kito kiba leh ia ki kam khaii ba kin lah ban nang pynheh ia ka kam jong ki katba ka jingdonkam ka dawa. Katkum ka jingkhein Jong ki karkhana la kdew ba ka iew kaba iadei bad ka SD-WAN ka India kan kiew ha ka CAGR jong ka 20.5% sha ka USD 14.6 billion kat ha ka snem 2031.

U M P Sunil Kumar, Chief Enterprise Business Officer, Vodafone Idea Limited, u la ong ba kane ka jingiatehlok kan iarap ia ki kam khaii kiba treikam tang na kawei ka jaka bad sam ia ki network hynrei ha kajuh ka por ban Pynsuk pat ia ka jingtreikam.

U Ashok Shivashankar, Managing Director, Partner Organization, Cisco India & South Asia, u ong ba ka jingiatehlok kan iarap ban kyrshan ia ki network bad pynlong ia ka kaba katkum ka juk mynta, ban pyniar is ka bad pynbha ia ka jingtreikam ha kane ka por ba ka jingpyniaid ia ki kam ki jam la long kaba la leh da ka AI.