Siew ka ICICI Prudential Life ia ka pisa jong kiba la khlad noh kaba long 15 lak tyngka ha ka snem mang tyngka 2026

ICICI Prudential Life Insurance ka la siew ia ka pisa kaba iadei bad ki nongbuh pisa kiba la khlad noh ha ka jingsiew kaba kyllum kaba long 15 lak tyngka iwei iba khlad ha ka snem mang tyngka 2026, kaba la buh ia ka ha ka kyrdan ba shalor ha ka snem kaba ar, la iathuh ka kompany. Katkum ki kaiphod ba lah ban ioh paidbah, ka jinglah ban kam ia ka pisa jong kito kiba buh pisa hadien ba ki la khlad noh la pynkiew na ka 10 lak tyngka ha ka snem mang tyngka 2021 sha ka 15 lak tyngka ha ka snem mang tyngka 2026. Ka jinglah ban kam la buh ba kan long kyllum beit 14-15 lak tyngka na ka bynta ki saw tylli ki snem mang tyngka ba la leit, kaba pyni ia ka jinglong kongsan ia ka jingpynthymmai ia ka life insurance da kaba pyniahap bad ka jingkylla ha ka jingioh, ka ram bad ka jingkit khlieh ki longiing longsem.

U Sarang Gokhale, Chief – Underwriting and Retail Claims, ICICI Prudential Life Insurance, u ong ka kompany ka la lah ban pyndep ban siew ia ka pisa kaba long haduh 5,149 klur na ka bynta ki nongbuh pisa kiba la khlad noh ha ka snem 2026.“Ka jinglah jong ngi ban siew ia ka pisa kaba long 99.3% ha ka snem 2026, da kaba khein kyllum ba ka jinglah ban pyndep ia ka kam ka long tang kumba 1.1 sngi na ka bynta ki jingiap ki bym donkam ban tohkit na ka sngi ba la ioh pdiang ia ki kot ki sla kiba iadei bad ka kompany, kaba pyni ia ka jingtrei ba radbah jong ngi ban pyndep ia ka jingangnud ki nongbuh pisa bad ki bahaiing hasem jong ki,” la ong U Gokhale.

U la bynrap ba ka kompany ka la pynsuk ia ka jinglah ban kam ia ka pisa bad ai ruh ia ki lad jingshakri lyngba ki kor teknology kiba lah ban iarap ia ki longiing longsem ban ioh ia ka pisa ban kyrshan ia ka ioh ka kot jong ki khlem da pynslem. U la kyntu ia kito kiba don ia ka policy ba kidei ban peit ia ka life cover jong ki na ka por sha ka por ban pyntikna ba ki lah ban pynurlong ia ki jingdonkam kiba long katkum ka jingkylla bad ka thong ha kaba iadei bad ka pisa tyngka.