Pynkup burom ka Shillong Law Kolej ia ka samla pule

Ka Shillong Law College ka la pynlong ia ka jingpynkup burom (Graduation Ceremony) ia ki samla pule ba la pyndep ia ka BA LL.B. bad LL.B. 2026 ha ka jingialang kaba la pynlong hapoh ka College kum ka jingrakhe ia ka jingjop bad ia u mawmer jong ki samla kiba la pyndep ia ka jingpule ha kitei ki kyrdan.
Ia kane ka jingrakhe ia kane ka jingjop ki samla pule, la wan ban plie da u Nongiasaid aiñ ba rangbah u S.P. Mahanta uba long u Chairman jongka Bar Council of Meghalaya kum u Kongsan.
Ha kane ka jingialang la wan ruh ban iadonlang u Bah W. Khyllep (Retd. IAS), u Subhasis Chakrawarty (Senior Advocate), ka Tshering Yangi (Additional Advocate General), u Kishore Ch. Gautam u General Secretary jongka High Court Bar Association, u Bah Pyllang Nongbri u Vice-President ka High Court Bar Association,u Secretary ka Governing Body u D.B Gurung, Principal u Dr Shariffuddin, ki nonghikai bad kiwei kiwei.
Ka jingwan ban iadonlang kine ki riew pawkhmat ha ka liang ka aiñ ka la long kum ka jingai mynsiem ia kine ki samla pule ba kin iengskhem ha ka nongrim ka jongka jingai ia ka jingbishar kaba hok, bad ka jingkitkhlieh ha ka kam kaba ki trei.
La pynkut ia kane ka jingrakhe da ka jingsngewsarong ia ka jinglah ki samla pule ban pyndep ia ka jingpule ka jongki bad ka long ruh ka dak jong ka jingsdang kaba thymmai jong ka lynnong na ka bynta ka jongki.