Durex TBBT ka rakhe ia ka jingsan ha ka jingtbit ha ka liang ki sap ki phong ha ka lympung jong ka Shillong Cherry Blossom Festival 2024

KaDurex The Birds and Bees Talk (TBBT), kaba long kawei na ki prokram kaba myntoi bha jong ka Reckitt, kaba long ka kompany kaba ha khmat eh ha ka liang ka koit ka khiah bad ka khuid ka suba, sa shisien pat ka la wanrah ia ka sienjam treikam kaba wanrah shisha ia ka jingkylla ha ka tamasa jong ka Shillong Cherry Blossom Festival 2024. Ia kane ka tamasa la plie da u  Conrad K Sangma, myntri rangbah ka Meghalaya, ryngkat ka jingiadonlang jong u Sniawbhalang Dhar, Symbud Myntri Rangbah, ka sorkar Meghalaya, UBah Paul Lyngdoh, myntri ka tnad ki kam jngohkai, ka sorkar Meghalaya bad U Jyotiraditya M Scindia, myntri ka sorkar pdeng jong ka tnad Development of North-Eastern Region, ka sorkar India, ryngkat kiwei kiwei ki kynrem ki lyndan.

Ha ka jingtreikam ba la iasnohlang bad ka tnad ka koit ka khiah, ka Durex The Birds and Bees Talk ka al wanrah ia ka jingiakren shaphang ki jingtbit ha ki liang bapher bapher ha ka jingim ha ka rynsan kaba heh kaba bha ha kaba iadei bad ka koit ka khiah ia kaba la buh ha katei ka tamasa. Ha ka rynsan jong ka Durex TBBT Arena don shibun ki bynta, ba kynthup ia ka jingiakob dro ia ki graffiti, la don ruh ka camera ba ring dur 360-degree, la don ruh ka jaka shon dur ha kaba la pynieng ia ki TBBT mascot Joy bad Bubble bad ki don ruh ki jingai sngewbha kum ki postcard, ki magnet ba tah ha fridge ba don ki jingdro ba itynnad bad ki pla. Kane ka rynsan ka la khring haduh 30,000 ngut ki nongwan man la ka sngi na kylleng ki jylla, kynthup ia ki khynnah samla kiba hap ha ka Gen Alpha, Gen Z bad millennials. Kane ka rynsan ka long kum ka jaka ha kaba la ioh ia ka jingiakren shaphang ki sapha ka jingim, ka rukom im kaba shngain, bad kumno ban don ka jingim kaba koit ba khiah.

Ka Durex TBBT ka la ban jur halor ki san tylli ki mat ba kyrpang- Ka jingkynthup lang ne Inclusion, ka jingmynjur ne Consent, ka jingiada ne Protection, ka jingioh jingtip ne Awareness badka jingbym don ka jingleh shiliang ne Equity –lyngba ki jingdro ba la pynpaw lyngba ka jingiakob dro graffiti da I Pulak Rabha, iba long I nongdro iba paw bha na Guwahati-iba la pyntbit ia lade ha ka jingph shrong, ka jingdro dur da kaba shu airing, ka jingdro ia ki graphics bad applied arts. La pynlong ia kane da ka jingiatreilang bad ka National Health Mission Meghalaya, kane ka jingiakob ka la ailad ia ki samla kiba don sap ba kin pynpaw ia ka jingsngew jong ki ha kaba iadei bad ka jingmut jong kane ka prokram. Ki nongbishar ki kynthup ia U Ravi Bhatnagar, Director, External Affairs & Partnerships, SOA, Reckitt; bad ka Flourish Lyngdoh, State Consultant, Rashtriya Kishor Swasthya Karyakram & Comprehensive Primary Health Care, National Health Mission Meghalaya.

Ha kane ka jingiakob la sakhi ia ka jingiashim bynta jong ki hajar ngut ki nongwan iashim bynta kiba la wan na ki jaka kiba jngai bad na ki district kiba jngai jong ka jylla Assam, Meghalaya bad West Bengal kaba pynpaw ia ki jait bynriew bapher bapher bad ki la pyni ia ka sap ba kyrpang jong ki ha ka canvas ne ka jain ba la shna kyrpang ban dro dur. 11 ngut ki nongiashm bynta kiba la shah jied ban pyni ia ka jingmut jong ki kaba ki la pynpaw lyngba ka jingdro shaphang ki mat ba kyrpang jong ka TBBT, ha kaba la lah ban sakhi ia kitei ki jingdro graffiti kiba itynnad bad kiba don jingmut. U nongdro ba la jop u dei uShembhalang Thawbroi na East Khasi Hills, uba la phai khmat lyngba ka jingdro shaphang ka jingiada ne Protection, kaba la pynpaw ia ka jingdonkam ban sangeh ia ki jingmlien ba sniew bad wanrah ia ka jingkylla. Utei u nongjop u la ioh ia ka song pisa ba 50,000 tyngka. Kiwie kiwei kiba la jop ki kynthup ia U Selwyn Anderson Suchiang (East Khasi Hills) bad Noibid Borah (Nagaon, Assam), katba la ai khusnam kyrpang ia U Albert Kurbah (East Khasi Hills) bad Mrinmoy Boro (Kamrup, Assam), kiba la ioh pdiang ia ka song pisa namar ki jingtbit jong ki ha ka jingdro dur.

Ha kane ka sngi, U Gaurav Jain, Executive Vice President, Reckitt – South Asia, u la iasam, “Ha ka Reckitt, ka jingthmu jong ngi ka long ban wanrah ka jing pyniasnoh hapdeng ka pule puthi bad ka jingailad ia ki briew ba kin pynsngew ia kaei kaba ki don bad kumjuh ban ai ia ka rynsam ba kin pynpaw, ban sngewthuh bad ban kren ia kiei kiei ki jingkongsan kiban wanrha ka jingkylla ha ka lawei. Lyngba ka Durex Birds and Bees Talk, ngi sngew sarong ban ioh ban iadon bynta ha ka Shillong Cherry Blossom Festival, kaba pher bha napdeng ki tamasa ba don lang ia ka jingpyni ia ki sap bad ka riti dustur kaba wanrah ia ka jingiakren kaba don jingmut. Da kaba iadei bad ka jinghikai shaphang ki sap ha katei ka lympung kaba don ki bynta bapher bapher, ngi pynpaw ia ka jingdonkam ban don ka jingiakren ban don ka jingshngain, ka pyrthei kaba kynthup lang ia baroh, ha kajuh ka por ban rakhe ia ka sap ka phong ban wanrah ka jingkylla..”