Nang kiew shuh shuh ka NESFB ha ka liang ka jingtreikam kaba iadei bad ka pisa tyngka da ka jingiatreilang bad ka slice 

Ka North East Small Finance Bank (NESFB) ka la sakhi ia ka jingkiew ha ka liang ki kam kiba iadei bad ka pisa tyngka bad kumjuh ruh ka jingskhem ha ka kam hadien ka jingjop jong ka ban pyndep ia ka jingpyniasoh bad ka Slice ha ka 27 tarik u bnai Risaw, 2024. Kane ka jingiasnoh kti, kaba don ha ka ia ka nongrim jong ka NESFB ha ki kam bank ryngkat ki rukom treikam da ki buit thymmai jong ka slice ha ka liang ka teknology, ka la nang kham pynkhlain shuh shuh ia ki jingai jingshakri ka bank ha ki kam pisa tyngka, ha kaba la lah ruh ban prat lynti ban pynioh ia ka jingskhem bad jingiaineh jong ka na ka bynta kito kiba ia don bynta lang ha ka kam.

Da ka jingskhem jong ka Capital to Risk-weighted Assets Ratio (CRAR) kaba long 23.5%, ka bank ka la biang nadong shadong ban iada ia ki jingma hynrei ban iaid sha khmat ban nang kyntiew ia ka kam, kaban nang pyn sngew shlur ia kito kiba iadon bynta bad ka bank. Ka bank mynta ka don ha ka bynta kaba biang bha ban nang kham pyniar shuh shuh ia ka kam bad ka jingbei tyngka, khamtam ha ka thain shatei lam mihngi, bad ka jingdon jingem jong ka mynta ka la long haduh ₹920 klur tyngka. Ha kawei pat ka liang, ka jingkiew ha ka Net Non-Performing Assets (NNPA) sha ka 4.6% ka pyni ba ka bank ka don ia ki jingdon jingem kiba biang, ka pyni ruh ia ka jinglah ban treikam bha ha ka liang ban pyniaid ia ka rukom lum ia ka pisa tyngka bad ka jinglah ban treikam bha ban pynduna ia ki jingma. Kine kiei kiei ki pyni ba kane ka shlem ka long kaba biang ba bit ha kaba iadei bad ki kam pisa tyngka bad ka trei rad bah ruh ban wanrah bad ai ki jingshakri ba bha tam.

U Satish Kumar Kalra, Managing Director & CEO jong ka NESFB, haba kren shaphang ka jing nang khlain shuh shuh ka jingtreikam jong ka: “Kane ka jingiatreilang ka la pynlong ia ka NESFB ba kan jam sha ka ia kaba thymmai jong ka jingbiang jingbit ha ka liang ka pisa tyngka bad ka jingtbit ha ka rukom treikam. Da ka jingskhem jong ngi ha ka liang ka pisa tyngka, ngi sngew kmen ban nang pyniar shuh shuh ia ka kam ha ka thain shatei lam mihngi, da kaba wanrah ia ki rukom treikam jong ka bank sha ki shong ki thaw kiba donkam bha ia ka. Kine ki rukom treikam kiba la nang kham bha ki pyni ia ka jingtrei ba radbah jong ngi ban pynioh ia ka roi ka par kaba iaineh bad ban nang kham pynskhem shuh shuh ia ka kamram jong ngi kum ka nongialam kaba lah ban shaniah ha ka thain” Ka nang pynkhlain shuh shuh ia ka rukom treikam ban pynduna ia ka jingma bad ban long kiba lah ban treikam wat hapdeng ki jingeh  Ka NESFB ka la lah ban nang kham pynkhlain shuh shuh ia ka rukom treikam ban pynduna ia ka jingma, bad ka pynlong ia ka bank ba kan nang kham lah ban treikam bha khamtam ha kaba iadei bad ka pisa tyngka bad ka jingtreikam wat hapdeng ki jingeh. Kine ki jingkylla ki la iarap ia ka ban ba kan long kaba lah ban ieng wat hapdeng ki jingeh bad lah ban pyniahap katkum ka jingkylla ha ka jinglong ka ioh ka kot. Ha ka jingangnud ba ha khmat eh jong ka NESFB kadei ka jingtrei ba radbah ban ioh ia ki buit treikam thymmai, ia kaba la ioh mynsiem lyngba ka jingriew spah ha ki matti jong ka thain shatei lam mihngi. Ka jingthmu jong ki jingshakri bad ki sienjam treikam jong ka bank ka long ban pyniasoh ia ka ioh ka kot bad ka jingim ha ka imlang sahlang, bad ban pyniar ia ka jingshakri wat shaduh sha kyndong. Da kaba pyndonkam ia ki teknology kiba thymmai jong ka slice, ka NESFB ka la lah ban phai khmat bha na ka bynta ban pynkupbor ia baroh ki briew la ki don ha ki bynta ha ka liang ka ioh ka kot, da kaba ailad ia ki ban ioh ia ka mon laitluid ha kaba iadei bad ka pisa tyngka.  Ka jingkiew ha ka liang ka pisa tyngka bad ka rukom treikam jong ka NESFB ka pyni ia ka jingtrei ba radbah jong ka ban ai jingshakri ia kito ki shlem kiba iatreikam lang bad kumjuh ia ki briew kiba buh ia ki pisa tyngka jong ki bad ka da ka rukom treikam kaba shai bad ba lah ban shaniah. Kane ka jingia treikam lang ka la prat lynti na ka bynta ka bank ba kan long kum kawei na ki bank ba nyngkongkaba biang tam ha ka liang ka teknology ha India.