Nalor ki Projek jngohkai pyrthei, skul bad Kolej

U la ong ba ka pule puthi ka dei kawei na ki mawjam ba kongsan tam jong ka imlang sahlang bad jong kano kano ka jaitbynriew, bad kumta ka jingpynlut ha ka pule puthi ka kham long kum ka jingbei tyngka na ka bynta ka lawei bad dei na kata ka daw ba ha kine ki bun snem ba la dep ka la long ka jingpyrshang jong ka sorkar MDA ban pynthikna ba kan ai kaba kongsan tam ia ka pule puthi ha kaba ka don ia ka mang tyngka kaba heh tam napdeng ki tnat sorkar baroh kaba kot palat 15% na ka mang tyngka baroh kawei.

Hashwa jong kane ka programme, u Myntri Rangbah u la leit iuhkjat ruh ha Sngap Syiem College ha Mawkyrwat kaba u la plie paitbah ia ka Science Block & Entension of Classroom Block-B ha katei ka College, kaba la bei tyngka haduh T.4 klur lyngba ka RUSA 2.0 Infrastructure Grant to Colleges, kaba kynthup ia ka iing, ki ‘furniture’ bad ki tiar ki tar na ka bynta ka ‘laboratory’. Haba kren ha ka jingialang, u Conrad u la pynbna paitbah ruh ba un ai jingiarap mardor haduh T.20 lak na ka bynta ka jingtei ia ka Multipurpose Hall bad kumjuh ruh ka College Bus na ka bynta kane ka College lyngba ka Chief Minister Special Development Scheme.

U la ong ruh ba ka Sorkar Jylla kan sa pynbit pynbiang ruh na ka bynta ki jingdonkam jong kane ka Sngap Syiem College ha ka Science & Commerce stream ha kine ki khyndiat bnai ban wan. “Ngi la sdang shwa na ki College Sorkar, bad shen ngin sa iaid sa sha ki People’s College bad kane ka College jong phi ruh kan hap lang ha kata ka thup,” ong u Myntri Rangbah. Ha kine ki jingialang la iasynranlang ruh u MLA ka Mawkyrwat, u Bah Renikton L. Tongkhar, u MDC jong ka Mawkyrwat, Bah Carness Sohshang, u Principal jong ka Sngap Syiem College, u Dr. K.K. Nongsiej lem bad kiwei kiwei ki riew rangbah.