Ka Jylla ka la kynjoh 78.5% ban lait ka leit painkhana pathar

Ka Meghalaya ka la kynjoh haduh 78.5% ha ka jingshna ia ki painkhana haduh mynta. Ia kane la pyntip da u Myntri ka Tnad PHE u Marcuise N Marak bad ula iathuh haduh mynta la shna painkhana ha ki 53627 tylli ki Longiing bad 1108 ha ki Iing shnong bad jaka paidbah ha kylleng ka Jylla. Haba kren sha ki lad pathai khubor u Marcuise u la pyntip ia ka Hamara Shauchalay: Hamara Samman la sdang pyntreikam naduh ka 19 tarik Naiwieng, 2024 da ka thong ban ialap ia ka jingdonkam ki painkhana kiba treikam ha baroh ki Iingbriew bad ki Shnong ki thaw.

“Ka campaign ka kut mynta ka sngi (10 tarik Nohprah 2024), ka sngi  rakhe ha kylleng ka pyrthei kum ka Human Rights Day namar baroh ki briew ki dei kiba la kha laitluid bad mar kumjuh ha ka long ryngieng bad ka hok, kata ka dei ka mat ba hakhmat eh.U Marcuise u la pyntip ka Tnat ka la ioh pdiang ia palat 14.80 lak ki aplikeshon ban shna ia ki painkhana ha ki thliew iing jong ki riew shimet. “Na kane, ngi la dep pyllait ia ka pisa ban shna haduh T.87,184 ki painkhana ha ki shnong bapher bapher ha ka jinglut ba kot T.12,000 kawei” u la ong.

U Myntri u la iathuh ba u la peit bniah ruh halor ka jingpyntreikam ia ka mission hapoh ka Jylla Meghalaya.”Nga la kren shai ba ka Tnad ka dei ban pynthikna ba baroh ki painkhana la ka dei jong ki shimet ne ki shnong ki thaw, ki dei ban long kiba treikam” u la ong. U Myntri u la pyntip ruh ba ka Jylla ka la kynjoh ia ka 83.81% haba iadei bad ka Open Defecation Free (ODF) plus status.