Ka Tata Communications kaba long ka nongïalam ha ka bor tekhnoliji ba hakhliehduh ha pyrthei, ka la wanrah ïa ki jingthmu kiba pynkylla ïa ka bor ding kaba khuid bad ka koit ka khiah ha nongrit Buripara Akilang bad Mandal Nokat lyngba ka Climate Resilient Village Programme. Kane ka jingialang ba arsngi, kaba long shibynta ka jingpyrshang ka kompeni CSR, la iohi ia ki nongialam bad volunteer kiba ïatreilang ban pyntreikam ïa ka jingpynmih bording da ka sngi bad ki lad shet jingbam kiba khuid.Ka prokram, “Beyond the Boardroom,” ka la pynlah ïa ki nongïalam ka Tata Communications ban ïoh ïa ka jingshemphang ba nyngkong eh shaphang ki jingeh ha ka thaiñ ha kaba ia dei bad ki jingdonkam ha ka bor ding bad ka koit ka khiah. La buh ia ki solar panel ha ki iing ki sem, kiba ai bor ia ki light bad ki fan, katba ki light surok kiba pyndonkam da ka sngi ki pynmyntoi ia ka iaid ka ieng.
Nalorkata, la bujli ia ki chulha tynrai da ki tnum shet kiba khuid, kaba la pynduna ia ka jingpyndonkam ia ki dieng thang da 50% bad kaba la pynbha ia ka jingkoit jingkhiah ha ka liang ka jingring mynsiem. Ka jingjop jong kane ka jingthmu ka pynpaw ia ka jinglah ban shim ia ki lad pynmih bor ding kiba khuid kum ha ki jaka sor ha Shillong. Da ki iew kiba thymmai bad ka jingbun briew, ka jingpyniasoh lang ia ki jingshai ba pyndonkam da ka bor sngi bad ki lad shet jingbam kiba pyndonkam ia ka bor ding kam lah tang ban pynduna ia ka jinglut ha ka bor ding hynrei ka lah ruh ban kyntiew ia ki rukom treikam kiba lah ban pynneh pynsah ha kylleng ki sorbah ka jylla Meghalaya.
U Mukul Kumar, Vice President ka Tata Communications u la ong, “Ka jingpyrshang jong ngi ha Meghalaya ka pynskhem biang ïa ka jingangnud jong ngi ban thaw ïa ka lawei kaba neh da kaba pynrung ïa ka bording kaba khuid bad ki lad jingsumar ha ki shnong ki thaw.” Ha ka jingiasnohkti lang bad ka UN Sustainable Development Goals, kane ka prokram ka la pynmtoi haduh plat 62,000 ngut ki mynsiem, kaba pyni ia ka jingtreikam hok ka Tata Communications.
You may also like
-
Ka sngi kut jong ka Bajaj Finserv Dhuniverse ka ban sa long ha ka 31 tarik Lber ka ban pynkup burom ïa ka ‘Sur jong ka Ri’ ne ka ‘Voice of the Nation’
-
Ka screen academy ka la pyllait ia ka thup kyrteng jong ki phlim ba la shah jied ban pyni ha ka lympung jong ka Chetak Screen Academy ceremony kaban sa long
-
Ka Indus Towers ka wanrah ia ka jingpynbha ia ki Hygiene Infrastructure na ka bynta ki khynnah skul kynthei ha ki Skul Sorkar ha ka Jylla Meghalaya
-
Ioh U M. P. Ahammad, U Chairman jong ka Malabar Group, ia ka khusnam Maharashtrian of the Year Award 2026 na u myntri rangbah ka jylla Maharashtra U Devendra Fadnavis
-
Plie pyrda ka Blenders Pride ïa ka um dih ‘The One and Only’