Ka Sorkar Jylla lyngba ka tnat Bording ka buh thong ban pynpoi bording sha 50,500 tam ki tnum iing hapoh ka Jylla. Ïa kane la pyntip da u Myntri ka tnat Bording u AT Mondal bad ula ong ba ïa kane ka thong ban pynpoi bording la bthah da u Mynrti Rangbah ka Jylla.“U Myntri Rangbah ula bthah ba dei ban pynpoi bording sha ki 50,500 tylli ki tnum iing bad mynta ka kynti ngi la buh thong ban pynpoi bording sha ki 5000 tylli ki tnum iing” la ong u Mondal.
Ula bynrap ka jingpynpoi bording ha man ki tnum iing kam dei kaba suk namar man ka sngi, ka Jylla ka sakhi ka jingmih thymmai ki iing, ki shnong, ki karkhana, ki jait jingtei bad dei namar kane, ka Jylla man u snem ka sakhi ruh ka jingkiew kynsan ka jingdonkam bording.
“Ka jingdawa donkam bording ka kiew kumba 12% man u snem namar kata ngi donkam ban pynkhlain ia ka rukom treikam ka tnat Bording ban pynthikna ba baroh ki shnong bad ki longiing kin ioh bording kumba ngi la buh thong” la ong u Mondal.
You may also like
-
Ka sain pyrthei ha jylla ka lah ban kylla
-
Ha Tura, Jowai bad Shillong yn pynlong ia ka Audition Miss Universe Meghalaya
-
Ka NCP kam ai lad ia ki bar jylla ban iakhun MDC ha GHADC
-
Ka jingiapher ki ktien kam dei ban wanrah ka jingiapait ha ka sain pyrthei
-
Ka jingkhang tih dewiong ka long kumba knieh pliangja kam long kaba suk: Conrad