5 lak tylli ha ki 2 snem die ia ki thuk-thuk Hunter 350

Ka Royal Enfield, ka kompany kaba paw bha ha ka pyrthei ban pynmih ia ki thuk thuk kiba pdeng ka jingkhlain (250cc-750cc) mynta ka sngew sarong ban pynbna ba ka jingdie ia ka thuk thuk kaba kham rit jong ka kata ka Hunter 350 ka la tam ia ka 500,000 tylli. La pynmih ia kane ka thuk thuk ha u bnai Nailar 2022, ka Hunter kadei kawei na ki thuk thuk kaba lah die bha, bad kaba la ai jingkme  ia shiteng million ki trai jong kane ka thuk thuk ha kylleng ka pyrthei.  La shna ia kane ka thuk thuk na ka bynta kito kiba pyndonak ban niah ha sor bad ia kito ki nongniah thuk thuk ka juk mynta, ka Hunter 350 kadei ka thuk thuk kaba suk bha ban niah, kaba itynnad bad kaba sngewtynnad ban niah namar ka don ia ka Royal Enfield’s DNA. Namar ka jingitynnad jong ka ha ka dur ka dar, ka jingbiang ban pyndonkam bad ka jingishong khia, jong ka katkum ka juk mynta, ka Hunter 350 kadei ka thuk thuk kaba ki nongniah thuk thuk ba mynta kiba dang samla ki jied ban niah ban niah. La ka long na ka bynta ban iaid ha ki jaka sor kiba kham khapngiah, ne ban leit niah kai sha ki dong ba marjan kiba don ha sor, ne ban iaid ha ki surok ba kylluid, ki nongniah ba dang khynnah ki jied da ka Hunter 350 namar ba kadei ka thuk thuk kaba sted ban niah bad ki sngew shlur ban niah ia ka bad pynkhun shane shatai.  

Ka jingpawnam jong ka Hunter 350 ha kylleng ka pynpaw ba kane ka thuk thuk kadei kaba biang bha ha kylleng ki iew, la ka long ha India bad ha kiwei ki ri ka pyrthei. Ka dei kawei na ki thuk thuk kaba bun ki nongniah thuk thuk ki jied ban niah khamtam ia kito kiba kwah ban niah da ki thuk thuk ki bym da heh than, namar ka long kaba sted bad ka thuk thuk kaba ikhain kaba lah ban pyndonkam man la ka sngi bad kaba ai ruh ia ka jingsngew tynnad ban niah ia ka.  Ha kane ka sngi kaban sah kynmaw, U Yadvinder Singh Guleria, Chief Commercial Officer, Royal Enfield u ong, “Ka Hunter 350 ka la lah da shisha ban pyni ia ka jingmut ba paka shaphang ka jingbiang jong ka ban niah ha ki jaka sor bad ki jaka kiba pher. Ka jinglah ban die haduh 500,000 tylli ki thuk thuk ha ka por ba lyngkot ka pyni ia ka jingieid bad jingshaniah jong ki nongthied ia ka Hunter 350. Ka jingkiew sted ha ka jingdon jong ki nongniah na ki imlang sahlang bapher bapher ia ka thuk thuk Hunter 350 ka la pynlong ia kane ka thuk thuk kaba pdeng ha ka jingheh kaba paw bha haba nujor bad kiwei pat. Ngi ai khublei ia baroh ki nongthied ki iai bteng ban ai mynsiem ia ngi ban pynmih ia ki thuk thuk kiban ai mynsiem ia kito kiba kwah ban iaid sha kylleng ki jaka, ban pynpaw ia ka jingsngew jong ki, bad ka jingkmen ban niah thuk thuk.

Ka Royal Enfield kan rakhe ia kan rakhe ia kane ka jinglah ban jam sha une u mawmer da kaba pynlong ia ka jingniah thuk thuk bad ki nongthied ia ka Hunter 350 ha kylleng ki jaka ban nang pynkhlain shuh shuh iaka jingaiti lut jong ngi ban nang niah kham bun bad ban niah ha ka rukom kaba khuid!.” Ka jingpaw nam jong ka Hunter 350 ka long kum ka sakhi ia ka jingthmu jong ka Royal Enfield ban pynmih ia ki thuk thuk kiba la shna katkum ki buit stad, kiba itynnad bad kiba khlain. Ha India, ka Hunter 350 ka la kiew sted bha bad ka don mynta ha ka kyrdan kaba 2 bad balai ne Tier-2 bad Tier-3 ha ka iew, nalor jong ki metros. Nalor ka India, la lah ban ioh ia ka Hunter ha kylleng ki ew jong ka APAC, Europe, North America, Latin America, Australia bad New Zealand.