‘Vi Number Rakshak’

La ong ba kumba 1 klur ngut ki briew kin ialum lang ha ka sngi ba kyrpang tam ban leh ia ka jingngam um ne ka Shahi Snan’ ha Triveni Sangam ha u bnai rymphang, ka jingtieng jong ka jingjah na kiba ieid ba thoiñ kadei kaba pynkhuslai na ka bynta kiba bun, namar kadon ka jingma jong ka jingiajah ne jingshah pyniakhlad haba bun briew bad haba dang leit ngam um ki riew ngeit. Kumta ha kaba iadei bad kane, ka Vi ka kompany telecom ba pawnam bha ha India, ka la pynmih ia ka ‘Vi Number Rakshak’ kaba long ka sienjam ban pyntikna ba yn ym don iwei ruh I ban don ka jingsngew tieng ioh ba kin jah, ban shah pyniakhlad ne ban shah ieh shadien. Ki tymmen bad ki khynnah kiba lah ban ym don mobile phone, ki shem jingeh ban kynmaw ia ki number phone lane ban pyndonkam ia ki kor digital. Haba iohi ia kane ka jingeh, ka Vi ka la pynmih ia ki Vi Number Rakshak booth ha ki jaka ba paw ha jan ka Swami Ramanand Acharya Shibir Akhada.

Kane ka booth kan ai ia ki nongleit pilgrim da ki jingdeng kti kiba la shna da ki Rudraksh bad Tulsi beads kiba kyntang ba la don bad ki jingthoh jong ki number phone jong ki bahaiing lane jong no jong no kiba leit lang. Kane ka jingsdang kan iarap ia ki nongleit pilgrim ba kin don ia ka lad ba skhem ba kin lah ban ia shem biang khlem da donkam ban shaniah ha ki phone lane ha ka internet.

Haba kren shaphang kane, U Avneesh Khosla, Chief Marketing Officer, jong ka Vi, u la ban halor ka rukom treikam jong ka kompany kaba buh ia ki briew nyngkong, “Ngim dei tang ka kompany phone hynrei ka jingtrei lang kaba buh ia ki briew ha khmat khamtam ha kiei kiei kiba kham donkam. Kane ka jingsdang ka pyni ia ka jingtrei ba radbah jong ka Vi ban wad ia ki lad ki lynti kiba dei bad ban pyni ba ka jingpyniasoh ka long kham khraw ban ia ka network.”