Ha sngi ki kynthei pyniar ka Airtel Payment Bank

Ha kane ka sngi jong ki kynthei ha ka pyrthei, ka Airtel Payments Bank ka rakhe ïa ka bynta ba kongsan jong ki kynthei ha kaba pynïar ïa ka jingïoh pisa, khamtam lyngba ka women business correspondents (BCs) kiba pyndap ïa ka jingïapher hapdeng ki nongtrei bank bad ki shnong kiba duna ka jingshakri. Ka Bank ka la pynkup burom ïa ki kynthei BC kiba la leh bha na Assam bad Meghalaya ha ka jingïalang ba kyrpang ba la pynlong ban rakhe ïa ka sngi jong ki kynthei ka ban sa wan ha Guwahati. Ïa kane ka jingïalang la pynkup burom da u Loken Das uba dei u Chief General Manager jong ka National Bank for Agriculture and Nowrith Development (NABARD), Assam; bad u Nizam Uddin Barbhuiya (ISDS- IES), Deputy Director ka RDSDE Assam, ka Tnad Skill Development and Entrepreneurship, uba la ai mynsiem ia ki BC da ki kyntien ai mynsiem bad ka jingdon jong ki kaba ai mynsiem.

Ka Bank ka khein kor ia ka bynta kaba kongsan kaba kine ki kynthei BC ki leh ha kaba pynlong ia ka jingpynrung ia ka pisa tyngka ha kylleng ka ri. Kine ki kynthei BC ki shakri ia ki nongthied da ki jingshakri ba pura jong ka bank kynthup ka jingplie ia ka bank account, ka jingpynmih pisa, ka jingpynpoi pisa, ka jingsiew ia ki bill, ka jingthied ia ka insurance bad kiwei kiwei ki jingshakri ha ka liang ka pisa tyngka.  Ha katei ka jingïalang, ka Bank ka la ai khublei ïa ki phra ngut ki kynthei BC kiba la leh bha bad kiba la ïaid shakhmat ban pynlah ïa ki nongthied ha ka thaiñ jong ki. Kine ki san ngut ki kynthei ha kane ka jingpynlong ki long WansukThangkhiew, Lanopat N Sangma, SmritiMili, AjaminaraKhatun and Queen Marry KeotBhuyan. U Shankar Chakraborti, uba dei ruh u VP Sales (East) u lah Ong ba, “Ka jingthmu ba bteng jong ngi ka long ban pynpaw ïa ka jingjop jong ki bad ban pynshlur ïa ki kynthei kiba kham bun ban ïadon bynta ha ka jingïaid lynti sha ka jingpynkupbor ïa ka pisa tyngka.”

Lyngba ka jingpynheh ia ka network jong ki nongthoh khubor ba la ialam da ki kynthei, kaki business correspondents, Airtel Payments Bank ka dang iai bteng ban pyndap ia ka jingduna ha ka liang ka pisa tyngka, ban kyntiew ia ka jingiashim bynta ha ka ioh ka kot, bad ban pynkup bor ia ki kynthei ha kylleng ka ri India.