Ka SPARK ka wanrah ka jingkylla, sorkar kan iai bteng ban iarap ia ki khynnah skul: Conrad

U Myntri Rangbah ka Jylla u Conrad K Sangma hynne ka sngi ula shimbynta ha ka SPARK Summit 2025, ba la long ha ka District Auditorium ha Tura. Kane ka Summit ka dei kum shibynta jong ka jingdap shisnem jong ka prorkam ka SPARK (School Programmes in Articulation, Resilience, and Kindness), ka sienjam kaba la shim da ka tnad pule puthi ka sorkar jylla hapoh jong ka Samagra Shiksha bad ha kane ka sngi la sam ia ki Tablet bad ka la pynkup burom ia ki Principal, ki nonghikai bad ki khynnah skul halor ka jinglong nongialam bad ka jingseisoh ka jong ki hapoh jong ka SPARK prorkam. Haba kren ha ka jingialang u Conrad ula ong, u don ka jingiohi jngai ban tei ia ka lawei ba don ia ka jingskhem jingmut ba sbun bad ki nongshong shnong kiba don ia ka jingkitkhlieh ki ban noh synniang sha ka imlang sahlang bad ula pynpaw ba u ngeit skhem, ba ka jingia dei lyngba ka jingiakren, ka jinglah ban ai jingkren bha bad ka jingdon ia ka nongrim ba skhem bad rukom pyrkhat ba bha ki long kiba kongsan bha, kaba ia ryngkatlang bad ka jingdon ia ka kyrdan ha ka pule puthi.

Ula ban jur ba ka jingioh ia ka jinghikai lyngba ka pule puthi kam dei tang ban kiew tang ha ka jingnang jingstad hynrei kan tei ruh ia ka jinglong u briew ban long kiba skhem jingmut ban ban sain dur ia ka sap ha ka jingim jong ki khynnah. U Conrad ula ong, ba ki sienjam kiba la shim da ka SPARK ka la pynshisha ba ka long kaba suk hynrei ka jingpynleit jingmut ha ka jingia dei lyngba ka jingiakren, ki jingtbit kiba rit, ka rukom pyrkhat kaba bha bad ka jingsbun ki lah ban pynkylla ïa ki jingmut jingpyrkhat ia kiba dang khynnah bad kane ka sienjam kala pynkup bor ïa ki khynnah pule da ki sap kiba kyrpang ba kin pynkhreh ia ka jingim ka jongki haba ki mad ia kino kino ki jingeh.

 Ula ong ruh ba ka prokram jong ka SPARK ka la wanrah ia ki jingkylla ha ka jinglong jingman ki khynnah bad kane ka prokram ka la iarap ia ki khynnah ba kin nang ban kren bha bad ban don ia ka rukom pyrkhat pyrdain kaba janai bad ula pynthikna ba ka sorkar jylla kan iai bteng ban ai jingkyrshan ia ki sienjam kiba long thymmai kum ka SPARK kiban kyntiew ia ka jingim jong ki riewshimet ha baroh ki liang. U Myntri Rangbah ula ong ruh, ba ka sorkar kan wad ia ki lad ki lynti ban nang pyniar ia ki sienjam jongka SPARK sha kiwei pat ki District jong ka jylla ban kyntiew bad tei ia ki khynnah pule ka jylla.