Ka North Eastern Electric Power Corporation Limited (NEEPCO) hynne ka sngi ka la noh synniang sha ka Military Hospital ha Shillong da kawei ka kali ba pyntreikam da ki Battery. Ia kane ka kali la noh snyniang na skhim CSR jong u snem 2024-2025 jong ka NEEPCO.
Haba kren ha kane ka sngi u GOC ka 101 Area u Lt Gen Sanjay Malik ula ong, ba kane ka sienjam kan long ka jingmyntoi kaba khraw ia ki riewshlur ha ka leit ka wan sha ki tnat bapher bapher jong ka Hospital. U la pynthikna ruh ba ka Military Hospital ka dei beit ka nongïarap ba nyngkong eh haba jia kano kano ka jingjia aksiden ha surok ba marjan bad kane ka kali kan ïarap ïa ka Hospital ha kiba bun ki liang.
U Director (Personnel) ka NEEPCO u Major General Rajesh Kumar Jha u la ai khublei ruh ia ka Military Hospital kaba la ai ka jingshakri kaba khraw ia ki shipai bad ki riew paidbah jong ka nongbah.
You may also like
-
Ka jingrakhe lyngkhuh 139 snem ka Balang Unitarian ka long ban pynthymmai ia ka jingngeit
-
Ka AMMRPWU kam don bynta shuh bad ka JAC: Bah Nazarius K Lanong
-
Shah kawang Petrol bom ka Lumdiengjri PS, julor ka kali DHS ba kem ding
-
Iakynduh ka kynhun ki Nongthoh khubor na UP ia u Lat ka Meghalaya
-
Noh synniang ka APSTA da ka ‘Charity Home’ ha rakhe sngi iap u Thomas Jones