HIF ka tnat CSR jong ki kompani Honda ha India

Ka Honda India Foundation (HIF), ka tnat CSR jong ki kompani Honda ha India, ka la pynlong ïa ka jingïalang pynkut jong ka Project Buniyaad ha Shillong, Meghalaya. Ka jingïalang ka long ha Don Bosco Technical School, Laitumkhrah, bad la donlang u Shri Ramkumar Sathurappan, IAS, Executive Director ka Meghalaya State Skill Development Society, uba long u kongsan. Ha kane ka sngi, la pynkup burom ïa ki 30 ngut ki samla kiba la pyndep ïa ka jingsikshai bad kiba la ioh kam ban trei. Kane ka prokram ka la sdang ha u Nohprah 2024 ha Meghalaya bad la lah ban pynlong kaba seisoh da ka jingïatreilang bad ki bor sorkar. Kane ka dei ka bynta jong ka jingtrei jong ka Honda India Foundation ban kyntiew ïa ka jingïoh kam bad ka jinglah ban im da lade lyngba ki jingsikshai kiba ïadei bad ki kam shangkaiñ. Ka Project Buniyaad la plie ha u Rymphang 2024, ban ai jingkyrshan sha ki samla ba khlem kam kaba wan na ki jaitbynriew rit bad kiba sah ha ki thain ba kongsan jong ka ri (National priority regions), da kaba ai jinghikai ha ka kamai kajih lyngba ka Hospitality Sector ha kylleng ka ri India. Ka Honda India Foundation ka la pynïasnoh kti bad ka Visan Foundation ban pynpoi ia kane ka thong. Kito ki samla ba shah jied ki ïoh jinghikai ha ka Hospitality Management bad ki ïoh ruh ka Certificate na ka Tourism & Hospitality Skill Council.

Naduh ba sdang, kane ka porjekt ka la lah ban ai jinghikai bad ai kam ruh palat 1500 ngut ki samla ha ki jylla bapher bapher kum ka Arunachal Pradesh, Assam, Manipur, Nagaland, Jammu & Kashmir bad Meghalaya. Ka filosofi tynrai jong ka Honda ka long halor ka nongrim ba kongsan – “Ka burom ïa u briew” bad “Ki Lai Tyngkai” (Three Joys), kaba pyni ïa ka jingsngew ieit bad pyrkhat ka Honda ban pynbha ïa ka jingim ba man ka sngi jong u briew. Shibynta ban bud ïa kine ki nongrim, ka Honda India Foundation ka la dang bteng ban trei shitom ban wanrah ïa ka roi ka par ba kynthup lang ïa baroh bad ban pynlong ruh ki program kiba kongsan ha ki bynta kum ka pule puthi, ka koit ka khiah bad ka jinghikai ban ioh kam. Da kaba pynleit jingmut sha ki thain kiba dang duna ka roi ka par, ka HIF ka angnud ban seng lad ïa ki briew bad ban kyrshan ruh ïa ka roi ka par jong ka jylla ha ka synshar ka khaddar bad ka imlang sahlang.

Ka Honda India Foundation (HIF) ka dei ka tnat CSR jong baroh ki kompani Honda ha India – Honda Motorcycle & Scooter India Pvt. Ltd., Honda Cars India Ltd, Honda India Power Products Ltd., Honda R&D (India) Pvt. Ltd, Honda Access India Pvt. Ltd., Honda Trading Corporation India Pvt. Ltd., Honda Kaihatsu India Hospitality Pvt. Ltd. bad Honda Power Pack Energy India Pvt. Ltd. Ka Foundation ka trei ban pyntyllun ïa ki kam pynroi paidbah (Corporate Social Responsibility – CSR) ha ki liang ba kyrpang kum ka jingsumar ïa ka jingïada ïa ki lynti syngkien, ka jingïada ïa ka mariang, ka pule puthi bad ka koit ka khiah. Ka Honda ha ka pyrthei baroh kawei ka thrang ban long “ka kompani ba ka imlang sahlang ka kwah ban long kaba don,” bad ka noh synñiang sha ka jingkhaïi pateng ba skhem da kaba ai ka jingshakri ïa ki briew lyngba ki jingai bynta ba la pynlong da ka jingkitkhlieh jong ka ha ki liang bapher bapher jong ka imlang sahlang.