Ka kynhun ki seng bhalang na ri lum Khasi-Jaintia bad Garo kynthup ka HYC, JNC, JSM, CoRP, GSMC, ACHIK, APA bad UASCJF kaba la long hynne ka sngi ha Tura ki la rai ban pynim biang ia ka CoMSO bad la jied ia u President ka HYC, bah Roykupar Synrem kum u Chairman bad u Balvarin Ch Marak kum u General Secretary.
La jied ruh ar ngut ki Deputy Chairman u bah Sambormi Lyngdoh President ka JNC, u Roger D Shira President ka APA bad hynriew ngut ki dkhot ka Komiti nongkitkam, katba ia u Cherian Momin la jied kum u nongaibuit ka seng jong ka kynhun.
Kham shwa ha ka jingialang la iakren bun ki mat kongsan ba ktah ia ka Jylla Meghalaya, kum ka Inner Line Permit, MRSSA, ka jingmang kam ha ki ophis sorkar pdeng 44% ia ki trai jylla bad kiwei kiwei. Kumta ki sengbhalang bapher kin iatreilang hapoh ka shatri jong ka CoMSO ban pynurlong ia kitei ki mat jingdawa na bynta ka jingmyntoi ki paidhah ka jylla.
You may also like
-
Noh synniang ka APSTA da ka ‘Charity Home’ ha rakhe sngi iap u Thomas Jones
-
Balei phim rung BJP ban ioh plie dewiong, ong u Amit Shah ia ki MLA UDP
-
“Ngeit ha lade bad wat kynran dien” kyntu u Dr. Shakil ia ki samla
-
Kan long kaba sngewsih lada ka UDP ka khyllem noh kum ka Party riewlum: Paul
-
Pynlong ka ophis u DSO Nongpoh ïa ka 2nd CMYEP ha Bhoirymbong Block