JK Tyre ïa ka jingpynïaid jong ka ia ka lympung ialehkai pynmareh kali ka Indian Racing Festival ha Meghalaya

Ka JK Tyre, lem bad ka jingïatreilang bad ka Meghalaya Motorsport Society bad Ka Assam Rifles (Laitkor), ka lah wanrah ïa ka lympung ialehkai marsh kali ka ‘Indian Racing Festival – a carnival of Total Control’ sha Shillong hynne ka sngi, kane ka lympung ka la pynshoh biej ïa ki nongpeit kai da ki jingpyni sap niah kali bad ki thuk thuk kiba sted ha ka DGAR Cantonment.

Ha kane ka jingpynlong, la don ryngkat lem U Lieutenant General Vikas Lakhera, Director General Assam Rifles, kum u kongsan ryngkat lem bad Ka Rosetta Mary Kurbah, Deputy Commissioner, East Khasi Hills, kum ka symbol kongsan. Ki lum jong ka Laitkor ki long kiba itynnad bad ba iahap na ka bynta ka lympung niah kali kaba sted bad ba shitrhem. Ka jingdap briew bad ka jingshong shit jong ki nongwan peit kai ryngkat ka jaka ba itynnad ka la wanrah ïa ka jingmad kaba pher na ka bynta ki briew kiba wan peitkai ia kane ka jingianiah kali. Ki nongpeit kai ki la sakhi ïa ki jingpynkhun kynsan kynsan ia kaba la leh da ki kali Lexus bad BMW, ki jingpyni ia ki sap ba shyrkhei ne stunt ba pher ba pher ha ki Superbike, bad kaba pawkhmat bha ka long ka jingpyni sap na ki khynnah rit ba ïaleh karting ha ki Rotax Karts jong ki, ki la pyni ïa ka jingbniah, ka jingsted bad ka jinglah tehlakam jong ki. Ka la don ruh ka jingrwai khasi na ki khynnah jong ka Martin Luther Christian University kaba lah nang pynshongshit ïa ki nongpeitkai ha madan.

U Lt. Gen Vikas Lakhera, DG Assam Rifles haba kren shaphang kane u lah ong:

“Ka long ka  jingsngewtynnad ïa nga ban lah ban ïatreilang bad baroh kine kiba lah ïasnoh lem bad ngi, na bynta kane ka sien pynlong kaba kyrpang jong ka JK Tyre Indian Racing Festival.  Ki jinglehkai ki don ka rukom ba kyrpang kaba ki lah ban wanrah ka jingsngewbha sha kiba bun, bad ka Assam Rifles la slem ka ju long kaba kloi ban kyrshan ïa kum kine ki jingsdang ha ka thaiñ. Ka suiñ bneng ruh ka lah ai lad ïa ngi mynta ka sngi, bad nga kyrmen bad ki nongpeitkai kin sngewtynnad shibun ïa kine ki jingpyni jong ki rukom ñiah kiba tbit bad ka jingshongshit jong ka motorsport. To ngin nang ïa pynkhih ïa ki taïar bad wanrah ïa ka mynsiem kaba shongshit.”