Ba khñiot bai kit ki kompani cement, yn iakhih ka JAC 22 tarik

Ka Joint Action Committee jong ki kynhun trai trok, nongñiah trok, ba kynthup iaka Jaiñtia Hills Truck Owner Association, ka Commercial Truck Owner and Driver Association, ka All Cement Clinker Transportation ba na Khasi bad Jaiñtia hynne ka sngi ki la pynbna paidbah da ka jingiakhih ba khlem buh por ban khang lynti ia ki trok kit cement kit clinker na Lumshnong sha Assam ka ban sdang ha 22/04/2025 ha Tuber Takhñiang East Jaiñtia Jaiñtia. U Biangshwa Shylla chairman JAC haba kren u iathuh ka daw ba ki shim ia kane ka rai dei namar ba ki mad jingeh naka por shaka por haba iadei bad ka dor ka mur jong ka bai kit ne bai kali. Bad wat haba kila dep phah jingthoh sha baroh ki company cement ruh ki khlem ioh jubab ei ei, nalor ba kila dep phah ruh ka shithi pynkynmaw.

Ka jingkwah jong ki hi kum ki trai trok, nongñiah trok dei ban ioh iaka bai kit ba 1500 tyngka shiton, namar kumba long mynta ki company ki siew katba mon ka bai kit.  Kumta ki khot ka jingiatreilang jong baroh ki trai trok, nongñiah trok khnang ba ka jingangnud kan long kaba jop. Kumta nalor ka jingkren kyntu khot iatreilang u Peter Marbaniang General Secretary Meghalaya Commercial Truck Owner and Driver Association, naka liang u Balen Thurbru President, All Jaintia Cement and Clinker Transporter’s Association pat u iathuh ba  mynshwa iaka bai kit ne bai kali  hapoh Meghalaya la mynjur daka dor sorkar, kumta hadien bala mynjur daka dor sorkar kine ki company kila pynkylla noh sha Assam ia baroh ki kudam jong ki daka jingmut  buit tuh ban ioh buh dor katba mon.

U bynrap ruh ba ka jingpakhang kan dei thik tang iaki kali ba kit cement kit clinker na Loomchnong sha Assam.